Миа Костова со нови детали за Панчо: „Физички е подобро, психички сè уште се работи со него“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Миа Костова со нови детали за Панчо: „Физички е подобро, психички сè уште се работи со него“

27 јули 2025

• од Станча Јаќимовски

Познатата македонска инфлуенсерка и ТВ водителка Миа Костова во неодамнешното гостување во емисијата „Претрес со Ландов“ проговори за здравствената состојба на музичарот и продуцент Владимир Блажев – Панчо, кој сè уште се наоѓа на болничко лекување по трагичната несреќа во Кочани.

Костова сподели охрабрувачки информации за неговото физичко закрепнување, но нагласи дека психолошкиот процес сè уште е во тек. „Имам информација дека е многу подобар физички. Како и за сите повредени во трагедијата во Кочани, и за него ќе биде потребно многу време за да заздрават изгорениците, особено на рацете. На едната рака закрепнувањето оди побавно. Психички сè уште се работи со него“, изјави Миа.

Таа откри дека Панчо подолго време бил во кома и дека информацијата за загубата на својот близок пријател Андреј ја дознал дури неколку дена по несреќата. „Долго време не беше ни свесен, беше во кома. И самото соопштување за загинатите не оди лесно, тоа не е како да му кажеш некоја обична вест. Му треба време на човек да го прифати тоа“, рече таа со емоции.

Иако Панчо и Миа се познаваат повеќе од 25 години, таа призна дека сè уште не разговарала лично со него по несреќата. „Лично не сум го слушнала досега, иако се знаеме многу одамна“, додаде водителката.

Во моментот, за психолошката рехабилитација на Панчо е ангажиран тим од психолози и психијатри, а според зборовите на Миа, постои надеж дека во скоро време ќе може да ја напушти болницата и да продолжи со своето закрепнување во домашни услови.

Трагедијата во Кочани остави длабоки последици, не само физички, туку и емоционални, но поддршката од пријателите, семејството и стручните лица е од клучно значење за целосното опоравување на Панчо.