Мицкоски ги амнестираше сите кои го променија името за ЕУ: „Наивно верувале, можеби имале добра намера“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски ги амнестираше сите кои го променија името за ЕУ: „Наивно верувале, можеби имале добра намера“

17 октомври 2025

• од Станча Јаќимовски

Претседателот на ВМРО-ДПМНЕ, Христијан Мицкоски, во гостувањето на телевизија Канал 5 попладнево, практично ги амнестираше сите политичари кои учествуваа во промената на името на државата и потпишувањето на Преспанскиот договор, изјавувајќи дека тие можеби наивно верувале во ветувањата на европските челници.

„Можеби имале добра намера“

Во емисијата, запрашан дали би се согласил на внесување на Бугарите во Уставот ако сите партии се договорат дека при нова блокада од Софија повторно ќе се менува Уставот, Мицкоски рече дека и во минатото имало политичари кои без гаранции поверувале на ЕУ, што, според него, било погрешен пристап.

Со својата изјава, Мицкоски индиректно се дистанцираше од реториката со која во минатото ги нарекуваше тие политичари „предавници“, додавајќи дека дел од нив верувале во ветувања од европските лидери и можеби имале добра намера.

„Дел од политичарите верувале, претпоставувам, ќе направам ова, овој, тој и тој ми ветуваат, па ќе видам што ќе биде,“ рече Мицкоски.

„Наивна вера во ЕУ ветувањата“

Новинарот Сашо Михајловски потсети дека на Македонија ѝ било ветувано членство во ЕУ по потпишувањето на Преспанскиот договор.
Мицкоски одговори дека токму тоа го имал на ум – дека дел од тогашните политичари наивно поверувале во тие ветувања, додавајќи дека не сите имале лоша намера.

„Дел од нашиве политичари наивно верувале во многу работи, можеби имале и добра намера. Не велам дека секогаш таа намера била лоша,“ рече Мицкоски.

Спомнати Меркел, Макрон, Могерини и Хан

Во разговорот беа спомнати и неколку европски лидери кои тогаш силно ја поддржуваа Преспанската спогодба, меѓу кои Ангела Меркел, Емануел Макрон, Федерика Могерини и Јоханес Хан.

Мицкоски призна дека дел од нив биле влијателни личности („тешкаши“) на европската сцена, но сепак повтори дека ветувањата не се реализирале, оставајќи ја Македонија без напредок во процесот на пристапување кон Европската Унија.