Мицкоски под притисок на НАТО и ЕУ: Започнува третата фаза од Коридорот 8

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски под притисок на НАТО и ЕУ: Започнува третата фаза од Коридорот 8

29 август 2025

• од Гоце Кически

Северна Македонија конечно ја започнува третата фаза од изградбата на железничката пруга кон Бугарија, дел од европскиот Коридор 8 – стратешки проект кој ќе ја поврзе државата со регионот и ќе ја позиционира како клучна крстосница на два паневропски коридори. Со поддршка од Европската инвестициона банка и целосно подготвена документација, земјата добива реална можност за инфраструктурен напредок што ќе значи повеќе инвестиции, зголемена трговија и побрз транспорт за граѓаните и стопанството.

Но, иако оваа одлука е без сомнение позитивна за државата, јавноста не може да ја заборави долготрајната кампања на премиерот Христијан Мицкоски и неговиот министер за транспорт, кои со месеци убедуваа дека проектот е „неизводлив“, дека „нема економска логика“ и дека „Бугарија е виновна“ за застојот. Ваквата реторика не само што ја замаглуваше вистината, туку и ја подриваше довербата на граѓаните во значењето на Коридорот 8.

Денес, истите тие кои го оспоруваа проектот се појавуваат како негови главни промотори. Разликата е што сега, со јасна европска поддршка и отстранети административни пречки, наеднаш се прогласува дека „сè е можно“ и дека железницата кон Бугарија е од „огромна важност за (Северна) Македонија“.

Сè повеќе аналитичари сметаат дека овој пресврт не е плод на промислена домашна стратегија, туку знак дека Мицкоски морал да капитулира пред силниот притисок на НАТО и Европската Унија, за кои Коридорот 8 е проект од витално геостратешко значење. За Алијансата и Брисел, оваа пруга не е само локален инфраструктурен зафат, туку дел од безбедносната и економската архитектура на целиот регион.

Секако, важно е што државата тргнува по вистинскиот пат. Инфраструктурната поврзаност со источниот сосед не е политичка опција туку стратешка нужност. И токму затоа, неконзистентноста и политичката манипулација што ја демонстрираше Владата во изминатите месеци се уште поочигледни.

Граѓаните заслужуваат чесни и доследни одговори, а не менување на ставови според дневно-политички потреби. Затоа, иако овој проект е голема победа за Северна Македонија, останува горчлив впечатокот дека власта која денес се фали со него, вчера со сите сили се обидуваше да го сопре – сè до моментот кога западните партнери не дозволија понатамошно одолговлекување.