Мицкоски се пофали со трговскиот договор со Обединетото Кралство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски се пофали со трговскиот договор со Обединетото Кралство – потпишан од СДСМ пред четири години

17 мај 2025

• од Гоце Кически

Премиерот Христијан Мицкоски вчера јавно се пофали со Договорот за партнерство, трговија и соработка меѓу Република Северна Македонија и Обединетото Кралство, нарекувајќи го „голем успех на новата влада“ предводена од ВМРО-ДПМНЕ.

Но, документот кој го фали Мицкоски не е ново дипломатско достигнување на актуелната власт, туку договор подготвен и склучен за време на претходната влада предводена од СДСМ, и тоа уште во 2020 година.

Договорот беше потпишан на 3 декември 2020 година во Скопје од тогашниот министер за надворешни работи Бујар Османи, во име на владата на Северна Македонија, и Рејчел Галоуеј, британска амбасадорка во Скопје, во име на владата на Обединетото Кралство.

Целта на договорот беше да се обезбеди континуитет на трговските и политичките односи со Обединетото Кралство по излезот на Британија од Европската Унија, со што се задржуваат царинските преференции, можностите за извоз и инвестиции, и воспоставување правна рамка за соработка.

Договорот официјално стапи на сила на 29 декември 2023 година, но неговите темели беа поставени и договарани токму во периодот кога СДСМ беше на власт.

Политичка реторика или незнаење?

Иако Мицкоски изјави дека договорот е „плод на напорната работа на новата влада“, експертите и поранешни функционери потсетуваат дека овој договор не е резултат на нови иницијативи, туку продолжение на стратегијата за европска и евроатлантска интеграција која се водеше од страна на претходната влада.

„Добро е што новата влада го препознава значењето на договорот, но би било коректно да се признае дека тој е резултат на процес започнат и завршен од СДСМ и МНР под водство на Османи,“ изјави еден поранешен дипломат кој беше дел од тимот што работеше на договорот.

Што носи договорот?

Договорот овозможува:

Безцаринска трговија со Обединетото Кралство за индустриски производи и повеќето агро-прехранбени производи;
Заштита на инвестиции и права на интелектуална сопственост;
Пристап до јавни набавки и услуги;
Заеднички механизам за решавање спорови и следење на имплементацијата.

Со ваквиот договор, Северна Македонија ги зацврстува економските врски со еден од најважните партнери надвор од ЕУ, со потенцијал за зголемување на трговијата и инвестициите.