Мицкоски: Слабо работиме – платите ќе растат само ако расте продуктивноста

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски: Слабо работиме – платите ќе растат само ако расте продуктивноста

15 август 2025

• од Станча Јаќимовски

Премиерот Христијан Мицкоски најави дека Владата размислува зголемувањето на платите во иднина да биде директно поврзано со растот на продуктивноста на трудот.

„Во делот на примањата, размислувањето во иднина ќе биде насочено кон зголемување на продуктивноста, односно врзување на продуктивноста со зголемувањето на личните доходи“, изјави Мицкоски по презентацијата на новата американска опрема во касарната во Штип.

Тој предупреди дека ваквиот пристап може да има и политички последици за владејачката коалиција, бидејќи ќе има граѓани кои ќе бидат незадоволни. „Но подобро тие последици да ги почувствуваме сега, отколку граѓаните на долг рок да се соочуваат со неконтролирана инфлација“, рече премиерот.

Според него, инфлацијата во јули изнесувала 4,8% на годишно ниво, што е во рамки на просекот во регионот. Како главен фактор за растот на цените ја посочи поскапувањето на услугите, во некои сектори за повеќе од 20%.

Владата, како што нагласи, ќе продолжи со мерки за олеснување на семејниот буџет, како ограничување на трговските маржи пред почетокот на учебната година за училишен прибор и друга опрема. Сепак, Мицкоски додаде дека ад-хок ограничувањата не се трајно решение и постави прашање за границите на пазарната економија.

Тој најави засилена контрола од Комисијата за заштита на конкуренцијата против „скриени маркетинг услуги“ во супермаркетите, каде производи намерно се поставуваат на подобри позиции за одреден надомест.

Во однос на услугите, Мицкоски рече дека Владата нема голем простор за директна интервенција во цените на рестораните, кафулињата и транспортот, но ќе се разгледаат одредени мерки за спречување дополнителен инфлаторен притисок.

„Ова е поопфатен пристап кој очекуваме на среден рок да донесе значителни резултати“, заклучи премиерот.