Мицкоски за противниците: Голтари влегоа во политика, милионери излегоа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски за противниците: Голтари влегоа во политика, милионери излегоа

17 октомври 2025

• од Станча Јаќимовски

Лидерот на ВМРО-ДПМНЕ, Христијан Мицкоски, на народниот митинг во општина Гази Баба во рамки на изборната кампања со слоган „Вистинскиот избор! Со твојот човек! За твоето место! За твојата иднина!“ порача дека претстојните избори на 19 октомври се клучни за иднината на државата и нејзините граѓани.

„Овие избори се, всушност, токму тоа – да се одбере вистинската страна, да се направи вистинскиот избор кој ќе донесе ред, работа и проекти. Ова се избори за вашето маало, вашата улица, но и избори со кои се праќа порака до политичарите кои како сидро премногу долго ја влечеа надолу државата,“ истакна Мицкоски.

„Голтари влегоа во политика, милионери излегоа“

Мицкоски остро ги критикуваше своите политички противници, обвинувајќи ги дека влегле во политиката од користољубие, без програма и визија.

„На овие избори од нашите противници не видовме програма, идеи или проекти, туку само гола реторика. Отсуството на програма говори дека тие немаат сериозна намера да одиме напред, туку само нови измами и трикови во политиката. Јас сум во политиката за да оставам трага и создадам вредности, тие другите се во политиката за да ги полнат џебовите. Голтари влегоа во политика, милионери излегоа,“ порача лидерот на ВМРО-ДПМНЕ.

Тој нагласи дека овие избори треба да бидат момент кога „измамите и триковите мора да бидат поразени“.

Обвинувања за лаги и неточни податоци

Во својот говор, Мицкоски се осврна и на изјавите на претседателот на СДСМ, Венко Филипче, кој, според него, изнесувал невистини за економските показатели во државата.

„Го слушам Венко како кажува невистини за буџетскиот дефицит, за инфлацијата, за БДП и задолженоста, и ми доаѓа да му кажам: држи се до медицината, затоа што очигледно некој те носи во длабокото каде што немаш основно познавање,“ изјави Мицкоски.

Тој додаде дека буџетскиот дефицит не е 1,4 милијарди евра, како што тврди Филипче, туку 600 милиони, што, според него, е двојно помал од времето кога СДСМ била на власт.

„Инфлацијата беше 9,4% во 2023 и 14,2% во 2022 година. Тогаш не им пречеа тие бројки, а сега им пречат денешните 3 до 4 проценти. Таква е економската логика во СДСМ,“ истакна Мицкоски.

Кампањата продолжува

Мицкоски додаде дека иако во Скопје се формира непринципиелна коалиција на неговите противници, ВМРО-ДПМНЕ ќе остане фокусирана на работа, проекти и решенија за граѓаните.

Со овој митинг, партијата ја продолжува предизборната кампања низ Македонија, во пресрет на изборите закажани за 19 октомври.