Микробиолог алармира: Сметот во Скопје создава услови за масовно размножување на глодари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Микробиолог алармира: Сметот во Скопје создава услови за масовно размножување на глодари

22 октомври 2025

• од Станча Јаќимовски

Микробиологот д-р Никола Пановски алармира дека главниот град се наоѓа пред сериозна биолошка закана поради наталожениот смет и застојот во чистењето на улиците. Според него, Скопје во моментот е идеална средина за масовно размножување на глодари, што може да доведе до појава на заразни болести.

„Глодарите имаат храна во изобилство“

„Вториот круг на избори, заедно со рокот за жалби и предавањето на функцијата, нема да заврши пред 9 ноември. Тоа значи дека во следните 18 дена стаорците и глувците може енормно да се размножат. Скопје веќе 20 дена е елдорадо за глодарите,“ напиша Пановски на својот профил на Фејсбук.

Тој објасни дека глодарите во моментот имаат „достапна храна во изобилство“ и дека веќе излегуваат од подрумите и канализацијата, каде што се хранат и размножуваат.
„За еден месец, од секое животно може да се создадат во просек по десет младенчиња,“ предупреди Пановски.

Масовно размножување и ризик од зарази

Дури и по евентуално чистење на градот, Пановски вели дека ќе останат илјадници гравидни глодарки, кои ќе донесат десетици илјади младенчиња. Според него, тие потоа ќе бараат храна во домовите на граѓаните, подрумите и гаражите, станувајќи сѐ поагресивни.

„Можеби ќе имаме исчистен град, но глодарите ќе бидат многубројни и крајно агресивни,“ вели тој, предупредувајќи и на можноста од пренос на опасни болести.

Апел за итна вонредна состојба

Микробиологот остро ја критикува државата и институциите за нивната пасивност:
„Апелирам до Владата – прогласете вонредна состојба, сметот почнете да го чистите веднаш! Министерство за здравство, Центар за јавно здравје, Институт за јавно здравје, Агенција за храна и ветеринарство – што правите? Вие сте платени да апелирате, да превенирате, не е тоа моја работа,“ порача тој.

Критика кон стручните служби

Пановски ги повика и стручните лица од областа на хигиената, епидемиологијата и ветерината да не молчат, туку да излезат јавно и да побараат акција:
„Десетици платени специјалисти – каде сте? Ако не ве слушаат, излезете на улица,“ завршува неговиот апел.