Милошевски: Тие што се против Бугарите во Устав, всушност заработуваат од Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Милошевски: Тие што се против Бугарите во Устав, всушност заработуваат од Бугарија

07 октомври 2025

• од Станча Јаќимовски

Во најновата епизода од подкастот на Инфомакс, новинарот и ко-водител Милош Милошевски остро реагираше на политичките ставови поврзани со внесувањето на Бугарите во македонскиот Устав и процесот на пристапување на Македонија во Европската Унија.

„Не дозволаваме Бугари у Устав“

Милошевски истакна дека е апсурдно да се спречува членството на Македонија во Европската Унија под изговор на заштита на идентитетот, додека истите тие политичари и јавни личности кои го прават тоа — профитираат во Бугарија.

„Не дозволаваме Бугари у Устав. Не дозволаваме Македонија да влезе во Европската Унија, а во исто време да зимаш пари и да заработуваш во Бугарија. Ти самиот си го променил сопствениот идентитет, а тврдиш дека ќе го заштитиш идентитетот на цела една нација,“ рече Милошевски, додавајќи дека ваквото лицемерие е „смешно, иронично и тажно“.

Критика на „народните милионери“

Тој посочи дека токму тие „народни милионери“, како што ги нарече, се виновни за тоа што обичните граѓани немаат можност да живеат и заработуваат како европски граѓани.

„Овие милионери кои што ние ги направивме, тука во Македонија им ги спречуваат можностите на граѓаните да живеат подобро. Тие го блокираат патот кон ЕУ, а самите профитираат во членки на Унијата,“ потенцира Милошевски.

„Перверзна лага и трагедија“

Новинарот нагласи дека се работи за „перверзна лага“ која им се сервира на македонските граѓани.

„Тие што имаат пари се подготвени да го продадат сопствениот идентитет за да заработат уште повеќе во ЕУ. Тоа е една таква иронија, една перверзна лага која што се повторува постојано,“ изјави тој.

Милошевски додаде дека е изморен од постојаното повторување на оваа тема, но најави дека наскоро ќе се открие „целата вистина“ за луѓето кои, според него, се дел од „рекетарска шема“.

„Во наредниот период ќе бидат соголени целосно. Ќе видите за каква рекетарска шема се работи. Не е тоа ниту за идентитет, ниту за јазик, ниту за историја — тоа е за пари,“ порача Милошевски.