Министер во Владата на Мицкоски со поддршка за протестот поврзан со УЧК во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Министер во Владата на Мицкоски со поддршка за протестот поврзан со УЧК во Скопје

13 декември 2025

• од Станча Јаќимовски

Министерот Фатмир Лимани јавно изрази поддршка за најавениот мирен протест во Скопје, поврзан со Ослободителната војска на Косово (ОВК), нагласувајќи дека меѓу Албанците не постои сомнеж за легитимноста на војната за ослободување и слобода на Косово. Изјавата на Лимани ја пренесе порталот Tetovasot.

Според него, легитимитетот на таа војна бил потврден преку соработката на ОВК со западните сојузници и преку процесот што резултираше со создавање на државата Косово. Денес, како што вели, тој легитимитет дополнително се зајакнува и со сведоштвата на функционери од НАТО во рамки на хашките судски процеси.

Лимани истакна дека националното знаме кое ќе се вее на протестот не претставува закана за ниту една етничка заедница и не исклучува никого од албанската етничка припадност. Напротив, тој нагласи дека протестот се одржува во духот на коегзистенција и рамноправност со другите етнички заедници во Република Северна Македонија.

Тој потсети дека токму врз принципите на таква коегзистенција бил легитимиран и Охридскиот рамковен договор, потпишан по конфликтот во 2001 година, кој, како што рече, ја зајакнал државата и ја направил пофер за сите граѓани.

„Мирниот протест го зајакнува знамето и идејата за нација што достоинствено коегзистира со различните, без да поттикнува војна“, нагласи Лимани, додавајќи дека протестот има своја вредност и покрај сомнежите околу неговото темпирање или политичката корист за поединци кои се предмет на судски процеси во Хаг.

Министерот предупреди дека не треба да се дозволи приватизирање на протестот за дневнополитички цели и остро ги критикуваше политичките актери кои, според него, со исти методи и кампањи произведуваат исти резултати – без вистински напредок. „Тие создаваат матни води за да ловат гласови, но не му служат на граѓанинот, туку им се одмаздуваат на младите кои не се виновни за заостанатоста“, рече Лимани.

Тој оцени дека на државата ѝ се потребни повеќе дијалог и помалку етничко покровителство, како и „повеќе херои на мирот“. Според него, клучни приоритети треба да бидат економскиот развој и квалитетното образование за сите, со цел да се спречи масовната емиграција на младите, особено од албанската заедница.

Во контекст на реториката за наводна одмазда врз Албанците и намалување на нивната застапеност во јавната администрација, Лимани порача дека оние што ја шират таквата кампања сигурно немаат намера повторно да ја турнат државата во конфликт.

На крајот, тој го постави прашањето што, според него, останува отворено веќе повеќе од две децении: „Што е направено од 2001 година наваму за да се изгради траен дијалог со другата етничка заедница и нејзините политички претставници, со цел уставните достигнувања во корист на рамноправноста да станат неповратни?“