Министерка горда, матуранти слабо подготвени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Министерка горда, матуранти слабо подготвени – ново дно за образованието

05 август 2025

• од Станча Јаќимовски

Просечната оценка од државната матура во јуни 2025 година изнесува 3.69 – бројка што надлежните ја претставија како успех, но која во реалноста е показател за сериозна криза во образовниот систем. Наместо задоволство и пофалби, овој резултат треба да биде аларм за Министерството за образование и целото општество.

Според објавените податоци, од 15.004 матуранти, средниот успех на двата екстерни испита едвај надминува „добро“. Кога ќе се земе предвид дека станува збор за ученици кои ја завршуваат средната настава и треба да бидат подготвени за факултет или пазар на труд, тогаш оваа бројка е повеќе поразителна отколку охрабрувачка. Наместо да се анализира зошто генерации ученици имаат толку низок успех, институциите се фокусираат на споредба со минатата година, кога просекот бил 3.26 – уште поразително.

Министерката Јаневска изрази задоволство што имало „само“ 172 обиди за препишување, како да е тоа нешто нормално, а не симптом на недоверба во системот и недостаток на вистински вредности. Истовремено, поднесени се 507 приговори – што дополнително покажува дека учениците немаат доверба во објективноста на оценувањето.

Оваа ситуација не е само бројка на хартија – тоа е одраз на години на занемарено образование, недостаток на квалитетна настава, слаба мотивација кај учениците и немање стратегија за подобрување на наставните програми. Имено, државната матура треба да биде показател за знаењето стекнато од целокупното средно образование, но според резултатите, таа сѐ повеќе наликува на формалност отколку на реален тест за зрелост.

Одговорноста за ова не ја сноси само еден министер или еден генерациски состав на ученици – ова е системски проблем што се продлабочува со секоја нова генерација. Наместо да се радуваме на минимални подобрувања од година во година, потребна е темелна реформа, заснована на квалитетно образование, обука на наставници, критичко размислување и посветеност на знаењето.

Просек 3.69 не е успех. Тоа е предупредување дека младите луѓе заминуваат од средно образование со ограничени знаења и уште послаба подготовка за иднината. И додека институциите се задоволуваат со мали чекори напред, учениците и целото општество тапкаат во место. Време е за суштински промени – не за прес-конференциски самозадоволства.