Министерот Филков најавува зголемување на казните за сообраќајни прекршоци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Министерот Филков најавува зголемување на казните за сообраќајни прекршоци

07 февруари 2025

• од Вардарски

Министерот за правда, Игор Филков, истакна дека постои сериозна потреба за понатамошно разгледување и анализа на постојната законска регулатива со цел зајакнување на безбедноста на патиштата. Тој нагласи дека е неопходно подобрување на казнените одредби за прекршителите, поткрепено со детална анализа на практиката на изрекување и спроведување на казните.

„При изготвувањето на измени на законската регулатива, особено во делот на санкциите, потребно е да се постави прашањето: Дали казните за прекршувачите на сообраќајните правила се соодветни и доволно ригорозни за да имаат одвраќачки ефект? Ова ќе ни помогне да идентификуваме кои области е потребно да се засилат со нови законски мерки, како што се алкохолот, брзината, користењето мобилни телефони и други ризични фактори“, рече министерот Филков.

Тој додаде дека одредени сообраќајни прекршоци треба да бидат регулирани како кривични дела и дека е потребно да се иницираат законски измени кои ќе ја прошират листата на кривични дела против безбедноста во сообраќајот. Ова не се однесува само на тешките кривични дела кои вклучуваат опасност за животот и имотот на луѓето, туку и на прекршоците како што е неукажувањето помош на лице повредено во сообраќајна незгода.

„Зачестеноста на сообраќајните деликти со висок степен на општествена опасност, заедно со ниското ниво на сообраќајна култура во нашето општество, создаваат силна потреба за заострување на казнената политика. Ова ќе обезбеди ефективни санкции за прекршителите, кои ќе имаат одвраќачки ефект и ќе помогнат во намалувањето на сообраќајните несреќи и нивните тешки последици“, порача Филков.

Министерот информираше дека заедно со Министерството за внатрешни работи, судии од Одделот за прекршоци во Кривичниот суд Скопје и универзитетски професори, работат на интензивна имплементација на новите законски измени во Законот за прекршоците и Законот за безбедност на сообраќајот на патиштата.

Новите измени и дополнувања во Законот за прекршоци ќе вклучуваат посебна постапка за прекршоци од областа на безбедноста на сообраќајот на патиштата, која ќе се однесува на прекршоците кои се детектирани преку електронски системи, како што е системот „безбеден град“ (safe city). Овој систем ќе овозможи брзо и точно утврдување на прекршоците, со што ќе се намали бројот на несреќи и ќе се обезбеди побрза реакција на властите.

За сторители кои по трет пат ќе се најдат на суд, а во случај на сериозни прекршувања, како што се возење под дејство на алкохол или прекумерна брзина, судот ќе изрече санкција која подразбира престанок на важење на возачката дозвола. Ова ќе значи дека возачот нема да може да стекне нова возачка дозвола додека не помине една година од правосилноста на пресудата.

Сите овие измени имаат за цел да го намалат бројот на сообраќајни незгоди, особено оние со смртни последици, и да ги заштитат животите на сите учесници во сообраќајот.