Министерството за здравство: Се проверуваат тврдењата за наводни непотребни медицински интервенции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Министерството за здравство: Се проверуваат тврдењата за наводни непотребни медицински интервенции

21 август 2025

• од Станча Јаќимовски

Министерството за здравство излезе со став во врска со тврдењата што се појавија во јавноста за наводни непотребни медицински интервенции. Од институцијата нагласуваат дека во здравствениот систем постојат јасно утврдени професионални стандарди, протоколи и законски постапки кои мора да се почитуваат, а за нивната примена се надлежни компетентни тела.

Според Министерството, професионалниот интегритет на здравствените работници е задолжителен, исто како и почитувањето на правата на пациентите. Одлуките за лекување, како што истакнуваат, секогаш се носат врз основа на клинички индикации, но пациентите имаат и право на второ стручно мислење.

Правото на пациентите и медицинската етика

Од ресорното министерство порачуваат дека пациентите треба да бидат охрабрени да поставуваат прашања, да бараат појаснувања и доколку имаат дилеми – да побараат второ мислење. Ова, велат, е составен дел од добрата медицинска практика и гаранција за довербата во системот.

„Темата бара трезвен пристап и почит кон фактите. Безбедноста на пациентите, медицинската етика и медицината заснована на докази се основните принципи врз кои се темели здравствениот систем,“ велат од Министерството.

Вонредни надзори и дигитализација

По објавените информации во јавноста, Министерството веќе координира активности за проверка на тврдењата и спроведување на итни и вонредни надзори за да се добие целосна слика.

Министерот Азир Алиу најави дека комплетната дигитализација на здравствениот сектор, преку системот „Мој Термин“, ќе овозможи двонасочна размена на информации меѓу јавните и приватните здравствени установи. На тој начин, според него, ќе се обезбеди поголема транспарентност и ќе се спречи можноста за евентуални злоупотреби, како во системот, така и со финансиските средства.

Потреба од одмерена јавна комуникација

Министерството исто така потсетува дека здравствениот систем се темели на доверба, па затоа секоја јавна комуникација мора да биде заснована на проверливи информации, без шпекулации и сензационализам.

„Секој има право на свое мислење, особено кога тоа е поткрепено со аргументирани факти. Но, неопходно е да се избегнуваат генерализации и изјави кои можат да предизвикаат недоверба и паника кај граѓаните,“ нагласуваат од Министерството.