Министерството за здравство со препораки и мерки за справување со отпадот во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Министерството за здравство со препораки и мерки за справување со отпадот во Скопје

25 октомври 2025

• од Станча Јаќимовски

Министерството за здравство ги објави препораките и мерките подготвени од Институтот за јавно здравје (ИЈЗ) за справување со актуелната состојба со отпадот во главниот град. Целта е да се намалат здравствените ризици и да се спречи појава на зарази предизвикани од несоодветно управување со отпадот.

Препораки за граѓаните

ИЈЗ апелира граѓаните строго да се придржуваат кон правилата за лична хигиена и безбедно одлагање на отпадот. Се препорачува користење на ракавици и заштитни маски при ракување со отпад, редовно миење и дезинфекција на рацете, како и совесно фрлање на сметот во контејнерите.

Посебно внимание треба да се посвети на:

затворање на капаците на кантите по фрлањето отпад;
избегнување директен физички контакт со сметот или исцедокот од него;
спречување на домашни миленици да доаѓаат во допир со отпадот;
непоставување отпад на нелегални депонии или надвор од означените места.

Работниците кои доаѓаат во контакт со отпадот мора да користат соодветна заштитна опрема за да се намали ризикот од штетна изложеност.

Итни мерки за расчистување

Меѓу акутните мерки се предвидува итно и неодложно отстранување на расфрланиот отпад, особено во близина на болници, училишта, паркови и детски игралишта. Ќе се спроведе вонредна дезинфекција, дезинсекција и дератизација на критичните локации.

Во случаите каде што не е можно целосно чистење, ќе се постават физички бариери за спречување пристап на глодари и улични животни. Ќе се изврши и дислокација на контејнерите подалеку од фреквентни патеки и објекти со ранливи групи на население.

Се нагласува потребата од редовен транспорт и празнење на контејнерите, најмалку еднаш дневно во густо населените делови на градот. Дополнително, ќе се набави нова механизација и заштитна опрема, а за вработените во јавната хигиена ќе се обезбеди вакцинација и обука за безбедно ракување со отпад.

Интензивен надзор ќе се спроведува за можни заразни заболувања како лептоспироза и други зоонози, со засилено епидемиолошко следење и пријавување.

Едукација и јавна комуникација

Министерството најавува и засилена јавна кампања за информирање на граѓаните со совети за лична и колективна хигиена, правилно складирање на храна и пријавување на нелегални депонии.

Ќе се спроведе едукација за препознавање на симптомите на можни зарази поврзани со отпадот, особено во ранливи категории на населението.

Долгорочни решенија

Во долгорочен план, препораките вклучуваат воспоставување интегриран систем за управување со комунален отпад, кој ќе овозможи редовно отстранување, селекција, рециклирање и повторна употреба на материјалите.

Ќе се спроведат образовни програми и иницијативи за поттикнување на граѓаните кон совесно одлагање и примарна селекција на отпадот. Исто така, ќе се воведат контролни механизми и казнени мерки за несовесно одлагање, како и редовно чистење и миење на јавните простори.