МНР на Бугариjа со позиција и селективна критика – клучни зборови останаа незабележани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

МНР на Бугариjа со позиција и селективна критика – клучни зборови останаа незабележани

24 јуни 2025

• од Гоце Кически

МНР на Бугарија го поздрави ставот на Комисијата за надворешни работи (AFET) на Европскиот парламент по повод денешното гласање за извештајот за напредокот на Северна Македонија, но се чини дека делумно ја пропушти целосната слика околу контроверзните изјави на премиерот на Северна Македонија, Христијан Мицкоски.

Мицкоски искривува: Во документот на ЕП не стои “посебен” или “многувековен” идентите

Имено, бугарското министерство ја пофали одлуката на AFET да се спротивстави на, како што ги нарекоа, „спекулативните националистички наративи“ поврзани со тврдењата за „многувековен македонски идентитет“, изјавувајќи дека таквиот став ги повредува чувствата на бугарската заедница и другите заедници во Северна Македонија.

Но, Министерството не ја спомена суштинската забелешка на премиерот Мицкоски, кој претходно нагласи дека Европскиот парламент во својот извештај не само што го поддржува „многувековен македонски јазик и идентитет“, туку и повеќепати го користи терминот „посебен“. Овој термин јасно ја одделува македонската историја и култура од бугарската, со што индиректно ги поткопува тврдењата за заедничка историја, кои официјална Софија постојано ги потенцира. Според експертите, ваквото пропуштање – или неспособноста на бугарското МНР да ја согледа целосната слика – доаѓа во директен судир со Договорот за пријателство, добрососедство и соработка од 2017 година, кој ја поставува рамката за заедничката историја, споделените личности, културното наследство и настаните кои ги поврзуваат двете земји.

Во изјавата на бугарското МНР се истакнува дека Софија нема против современите лични избори на граѓаните за нивната идентификација, но дека Скопје манипулативно ја користи оваа бугарска толерантност како изговор за да избегне исполнување на преземените обврски.

Истовремено, Бугарија го повторува својот став дека клучните прашања за гарантирање на правата на македонските граѓани со бугарско самоопределување и спречувањето на провокации против бугарските граѓани остануваат суштински за натамошниот тек на преговорите за членство во ЕУ.