Мојсоска: Оние кои го амнестираа ДУИ сега шират манипулации за коалиција на Левица со ДУИ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мојсоска: Оние кои го амнестираа ДУИ сега шират манипулации за коалиција на Левица со ДУИ

06 октомври 2025

• од Станча Јаќимовски

Кандидатката на Левица за градоначалник на Струга, Мојсоска, изјави дека ѝ претставува чест што е единствениот кандидат од парламентарниот блок на македонските партии, нагласувајќи дека тоа е доказ за капацитетот и потенцијалот на Левица да се натпреварува со „големите играчи“ на политичката сцена.

„Струга не смее да биде паричка за поткусурување“

Во своето обраќање, Мојсоска истакна дека нејзината кандидатура претставува порака дека Струга не смее да биде средство за политички поткусурувања и дека политичките одлуки за градот не треба да се носат во Скопје, на лидерски маси.

„Ова е порака дека Струга не може секогаш да е паричка за поткусурување меѓу големите играчи, дека не може политиките во Струга да се решаваат во Скопје на лидерски маси, дека Македонија е подалеку и од Групчин, и дека овој дел од Македонија не треба да биде заборавен,“ нагласи таа.

Одговор на обвинувањата за коалиција со ДУИ

Во однос на обвиненијата дека Левица соработува со ДУИ, Мојсоска порача дека тоа е дел од црна кампања насочена против нејзината партија. Таа остро возврати дека, за разлика од ВМРО-ДПМНЕ, Левица никогаш не учествувала во амнестирање на функционери од ДУИ ниту, како што рече, дозволила личности како Артан Груби да останат неказнети.

„Оние кои го амнестираа ДУИ, сега шират манипулации за наводна коалиција на Левица со ДУИ,“ изјави Мојсоска.

„Овие избори ќе бидат најбрутални“

Таа очекува дека претстојните избори ќе бидат „најбрутални досега“, предупредувајќи дека се повторуваат старите практики на уцени и купување на гласови.

„Апел на овие избори ќе биде дека не можеме 35 години нашиот глас да го продаваме за работно место, за работа во државна администрација. Таквите политики што сега ќе ги гледаме каде ќе уценуваат и купуваат гласови, доведоа до тоа во Македонија секоја година да ни се случува една колективна трагедија од системски пропусти,“ рече таа.

Борба против корупцијата и партизацијата

Мојсоска нагласи дека нејзината главна мотивација за политичко делување е борбата против корупцијата, партизацијата и нефункционалниот систем, кои, според неа, чинат човечки животи.

„Верувам дека нема ништо поскапо од човечкиот образ,“ порача кандидатката на Левица, додавајќи дека токму оваа борба е причината поради која е дел од партијата.