Муцунски го поздрави апсењето на Мадуро: Стоиме со САД и народот на Венецуела

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Муцунски го поздрави апсењето на Мадуро: Стоиме со САД и народот на Венецуела

04 јануари 2026

• од Станча Јаќимовски

Министерот за надворешни работи Тимчо Муцунски го поздрави апсењето на венецуелскиот претседател Николас Мадуро, кој, според соопштение на американскиот претседател Доналд Трамп, ноќеска бил приведен од американските сили во Каракас и ќе се соочи со судски процес во Соединетите Американски Држави.

Во објава на социјалната мрежа Икс, Муцунски истакна дека ја поздравува одлуката Мадуро да биде изведен пред лицето на правдата, нагласувајќи дека одговорноста претставува суштински елемент за владеењето на правото и демократските процеси. Тој упати и пофалби до американскиот државен секретар Марко Рубио, за неговото, како што наведе, лидерство во справувањето со нарко-криминалните мрежи поврзани со режимот на Мадуро.

„Одговорноста е важна. Стоиме со Соединетите Американски Држави и со народот на Венецуела во борбата за слобода и демократија“, порача Муцунски.

Претходно, по неколкумесечни зголемени тензии во регионот, американскиот претседател Доналд Трамп соопшти дека Соединетите Американски Држави го заробиле венецуелскиот лидер по серија координирани операции на повеќе локации во Венецуела. Според објавените информации, Мадуро е на пат кон САД, каде што против него веќе се водат судски постапки поврзани со сериозни обвиненија за трговија со дрога и оружје.