Муфтија во дипломатска мисија: Македонија испраќа теолог да носи инвестиции од Ријад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Муфтија во дипломатска мисија: Македонија испраќа теолог да носи инвестиции од Ријад

07 август 2025

• од Станча Јаќимовски

Министерството за надворешни работи и трговија на Република Македонија го назначи Салим Сулејмани за нов специјален пратеник за економска промоција во Ријад, Саудиска Арабија. Сулејмани, кој ќе дејствува со дипломатско звање министер советник, е вториот назначен специјален пратеник од страна на министерството, откако претходно беше испратен Петрит Муслиу во Чикаго, САД.

И двајцата именувани пратеници доаѓаат од политичкиот спектар, без класична економска или дипломатска кариера, што отвора прашања околу критериумите за нивниот избор.

Салим Сулејмани е теолог по професија и долгогодишен муфтија во Струга. До неодамна беше пратеник и висок член на партијата Алијанса за Албанците. Во мај 2025 година, тој поднесе оставка од сите политички функции, вклучително и од пратеничката функција, наведувајќи морална, професионална и политичка одговорност како главни причини за повлекувањето. Во јавна објава на Фејсбук, остро го осуди соработувањето на неговата партија со ДУИ пред претстојните локални избори.

Случајот на Петрит Муслиу, сегашен економски промотор во Чикаго, исто така беше предмет на критики. Тој беше поставен како генерален конзул во 2022 година, иако неговото назначување било предложено уште во декември 2019. Опозицијата тогаш тврдеше дека неговото именување било политички мотивирано, наведувајќи дека е во роднинска врска со поранешниот функционер на СДСМ, Дарко Каевски.

Именувањето на поранешен муфтија за економски промотор во важен дипломатски и економски центар како што е Ријад, повторно ја отвори јавната дебата за критериумите, транспарентноста и политичкото влијание врз дипломатските поставувања. Министерството засега не излезе со детално образложение за зошто Сулејмани е избран за оваа важна улога.

Извор: Фактор.мк