МВР: 20 пријави за прекршување на изборниот молк, најмногу во Скопје и Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

МВР: 20 пријави за прекршување на изборниот молк, најмногу во Скопје и Куманово

19 октомври 2025

• од Станча Јаќимовски

Министерството за внатрешни работи информира дека во текот на изборниот молк, кој траеше од 18 октомври до утрово во 7 часот, биле регистрирани вкупно 20 пријави за нарушување на изборниот молк низ државата.

Според податоците на МВР, најмногу случаи се евидентирани во Скопје – шест, по што следуваат четири пријави во Куманово, три во Велес, по две во Охрид, Штип и Битола, и една пријава во Струмица.

„По преземените мерки, не се потврдени пријавите за 15 од пријавените настани,“ соопштија од Министерството, додавајќи дека институцијата и понатаму ги следи сите наводи за можни прекршувања на изборниот процес.

Покрај овие случаи, се регистрирани и 47 објави на социјалните мрежи кои го прекршиле изборниот молк — најчесто со повици за гласање за одредени кандидати или со видеа и фотографии од партиски активности во изборни штабови.

Од МВР истакнаа дека гласањето на болните и изнемоштените лица, како и на лицата во затвори и притвор, поминало без инциденти, освен еден изолиран случај кој бил навремено третиран од надлежните служби.

Претходно, во текот на вчерашниот ден, беа објавени неколку видеа на социјалните мрежи кои покажуваа можни прекршувања на изборниот молк, што дополнително ја активираше полицијата да постапи по пријавите.