Над 2.000 сообраќајни прекршоци за три дена: Брзото возење и понатаму меѓу најчестите прекршувања
Во периодот од 19 до 21 мај 2025 година, полициските службеници од сите осум сектори за внатрешни работи при Бирото за јавна безбедност на МВР спроведоа засилени сообраќајни контроли низ целата држава. Во рамки на оваа акција, беа изречени вкупно 2023 платни налози за различни прекршоци во сообраќајот.
Според статистиката, најчести прекршоци се:
- Непрописно паркирање – 508 казни
- Возење со брзина поголема од дозволената – 362 казни
- Возење без возачка дозвола – 165 казни
Дополнително, санкционирани беа и:
- 127 пешаци за различни прекршоци
- 55 мотоциклисти за неносење заштитна кацига
- 18 возачи под дејство на алкохол
- 6 возачи за минување на црвено светло
- 121 лице за неносење сигурносен појас
- 99 возачи за користење мобилен телефон при управување со возило
Во согласност со Законот за возила, од сообраќај биле исклучени 50 нерегистрирани возила и 12 технички неисправни возила.
Од МВР апелираат до сите учесници во сообраќајот да ги почитуваат сообраќајните правила и прописи со цел да се зголеми безбедноста на патиштата. Сообраќајните контроли ќе продолжат и во наредните денови.