26 септември 2025
• од Станча Јаќимовски
Вечерва избувна пожар на депонијата во близина на Арачиново, покрај стариот пат кон Куманово. Според првичните информации, станува збор за намерно подметнат оган.
Директорот на Дирекцијата за заштита и спасување (ДЗС), Стојанче Ангелов, изјави дека скопските пожарникари при пристигнувањето ја затекнале вратата на депонијата отворена. Внатре биле пронајдени поголеми количества пакуван сончоглед, кој горел со силен пламен, како и други запаливи производи.
„Оваа депонија има ограда и влезна врата. Најверојатно намерно запалениот сончоглед предизвикал опожарување на дел од депонијата. Поради насоката на струењето на воздухот, непријатната миризба од пожарот се чувствува и во делови од Скопје,“ истакна Ангелов.
Тој додаде дека гаснењето е сложено бидејќи опфатената површина е голема, што го отежнува користењето само на вода или пена. Во моментов се прават проценки дали ќе биде потребно затрупување на делови од депонијата, која е под надлежност на Општина Арачиново.
Ненадминливи Понуди Дневно
4.8 (10276 рецензии)
Заштедете 152.00 ден

