Наместо укинување на визите, „стратешкиот партнер“ на Мицкоски ги суспендира визите за С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Наместо укинување на визите, „стратешкиот партнер“ на Мицкоски ги суспендира визите за С. Македонија

14 јануари 2026

• од Станча Јаќимовски

Администрацијата на претседателот на САД, Доналд Трамп, од 21 јануари ќе ја суспендира обработката на визи за вкупно 75 држави, меѓу кои и Северна Македонија, објави Фокс њуз, повикувајќи се на соопштение од Стејт департмент.

Меѓу земјите погодени од одлуката се и Косово, Црна Гора, Босна и Херцеговина, Албанија, како и Русија, Бразил и Иран. Според информациите, американските дипломатско-конзуларни претставништва добиле насоки привремено да одбиваат визи согласно постојното законодавство, додека Стејт департментот ги преиспитува процедурите. Засега нема официјална информација колку долго ќе трае оваа мерка.

Претставници на Стејт департментот сè уште не дале коментар за најавената суспензија. Познато е дека исклучоци ќе има „многу ограничено“ и само за апликанти кои ќе поминат строга проценка дали би претставувале јавен или социјален товар за САД.

Оваа одлука доаѓа во контекст на заострената имиграциска политика што претседателот Трамп ја спроведува од почетокот на својот мандат, со фокус на значително намалување на миграцијата. Во ноември, Трамп јавно изјави дека има намера „трајно да ја запре“ миграцијата од, како што ги нарече, „земјите од Третиот свет“, по инцидент во близина на Белата куќа во кој загина припадник на Националната гарда.

За македонските граѓани, ова претставува уште една сериозна пречка во односите со САД, особено ако се земе предвид дека прашањето за визна либерализација со години е една од клучните теми во билатералната агенда. Наместо активни и видливи дипломатски напори за олеснување на патувањето на македонските државјани, одлуката на Вашингтон ја става Северна Македонија во ист кош со земји со значително посложени безбедносни и политички предизвици.

Во тој контекст, сè погласни се критиките дека владата предводена од Христијан Мицкоски не успева да испорача конкретни резултати на меѓународен план, особено во делот на визите за САД – прашање кое директно ги засега илјадници македонски граѓани. Наместо напредок кон укинување или олеснување на визниот режим, Северна Македонија сега се соочува со целосна суспензија на обработката на визи, што дополнително ја продлабочува изолацијата и го зголемува незадоволството во јавноста.