„Нашите ангели не дочекаа Велигден“ – Болката и гневот на семејствата на загинатите во трагедијата во „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Нашите ангели не дочекаа Велигден“ – Болката и гневот на семејствата на загинатите во трагедијата во „Пулс“

18 април 2025

• од Вардарски

Во атмосфера каде што Велигден обично носи радост, љубов и семејно собирање, за некои семејства од Кочани оваа година празникот е завиен во црнина и неизмерна болка. Родителите и блиските на младите животи кои трагично го загубија својот живот во пожарот во клубот „Пулс“ ја искажуваат својата длабока тага, гнев и разочараност во системот кој, како што велат, ги изневерил.

„Нашите деца ги нема… некои беа вљубени, некои требаше да се заљубат… некои имаа свои деца. Креветите им останаа празни, а нашите срца – крвави“, велат тие.

Трагичниот настан на 16 март остави неизлечива рана во срцата на родителите кои сега секоја сабота излегуваат на протести, барајќи правда. Според нив, виновниците не се само еден човек или сопственикот на локалот, туку цел систем кој дозволил со корупција, негрижа и алчност да се уништат животи.

„Не растевме деца да станат херои, туку луѓе. Вие ги убивте нашите деца“, остро се обраќаат тие кон институциите и надлежните.

Со слика на душевна распарчувачка болка, тие сведочат дека деновите им поминуваат во посети на гробишта, во разговори со своите деца што никогаш повеќе нема да се вратат дома. Велигден, за нив, не е ден на радост, туку ден кога наместо да кршат јајца со најблиските, ќе ги остават на вечните почивалишта на своите „ангели“.

Семејствата се решени: нема да престанат со протестите сè додека не се изведат сите виновници пред лицето на правдата. „Правдата мора да излезе на виделина!“, порачуваат, надевајќи се дека нивната борба ќе го разбуди општеството и ќе спречи идни трагедии.