Не е познато дали се повлечени од пазарот пиперките со пестициди од Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Не е познато дали се повлечени од пазарот пиперките со пестициди од Македонија

10 октомври 2025

• од Станча Јаќимовски

Во пратка од 15 тони црвени пиперки извезени од Македонија за Хрватска е откриено високо ниво на забранетиот пестицид метомил (Methomil), супстанца која е токсична за човековото здравје. Според надлежните институции, засега не е познато дали контаминираните пиперки се повлечени од пазарот или се уништени.

Откриена токсична супстанца во пиперки за извоз

Државниот инспекторат за земјоделство соопшти дека, според официјалното известување од хрватските власти, во земената проба е утврдена присутност на активната супстанца Methomil во количина од 0,049 mg/kg. Овој пестицид е забранет во Европската Унија и во Македонија, поради неговото штетно дејство врз нервниот систем и потенцијалните последици по здравјето на луѓето.

Извозникот на пиперките бил производител на ајвар, кој не ги одгледувал самите пиперки, туку ги набавувал од различни компании што, пак, ги купувале од индивидуални земјоделци.

Нејасноти околу судбината на спорната пратка

Пратката со свежи црвени пиперки била извезена на 9 септември 2025 година. При влезната контрола на граничниот премин во Хрватска, пратката не била задржана и ѝ било дозволено да влезе во земјата. Пробата за анализа била земена на 23 септември 2025 година од малопродажната мрежа, а информацијата преку системот RASFF (Rapid Alert System for Food and Feed) била доставена на 3 октомври 2025 година.

„Пиперките не се вратени во Македонија, но засега немаме информации од хрватските инспекциски служби дали тие се повлечени од пазарот или се уништени,“ соопштија од Државниот инспекторат за земјоделство.

Реакции и повици за засилена контрола

Случајот повторно ја отвори дебатата за потребата од построга контрола на земјоделските производи кои се извезуваат, но и на оние што се продаваат на домашниот пазар. Надлежните институции најавија засилени инспекциски контроли кај производителите и трговците, со цел да се спречи користење на забранети пестициди и да се заштити здравјето на потрошувачите.