Неколку лица повикани на разговор во полициска станица во врска со инцидентот во Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Неколку лица повикани на разговор во полициска станица во врска со инцидентот во Куманово

04 август 2025

• од Станча Јаќимовски

Неколку лица се повикани на службен разговор од страна на Секторот за внатрешни работи (СВР) Куманово во врска со инцидентот што се случи за време на кошаркарскиот натпревар меѓу Македонија и Романија, кој се одигра во саботата. Причината е присуство на скандирања со навредлива и националистичка содржина од страна на дел од присутните гледачи.

Од СВР Куманово денеска информираа дека по направените анализи и координација со Јавниот обвинител, ќе бидат преземени конкретни законски мерки против лицата вмешани во инцидентот. Меѓу најавените мерки се и покренување на кривични постапки.

„По извршени анализи во координација со Јавниот обвинител, ќе бидат преземени конкретни законски мерки против вклучените лица, вклучително и кривични постапки“, се наведува во соопштението на СВР Куманово.

Од полицијата додаваат дека интензивно работат на целосно расчистување на случајот.

И Јавното обвинителство Куманово вчера информираше дека постапува по случајот со националистичките скандирања. Обвинителството има издадено повеќе наредби до СВР Куманово, меѓу кои и наредба за прибирање видео снимки од надзорните камери, со цел идентификација на сторителите.

Инцидентот предизвика реакции во јавноста, а надлежните институции најавуваат дека нема да дозволат ширење говор на омраза на спортски настани и ќе постапуваат согласно законските овластувања.