Неколку полицајци го виканале попот – Министерството најави дисциплински мерки

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Неколку полицајци го виканале попот – Министерството најави дисциплински мерки

07 јануари 2026

• од Станча Јаќимовски

Заменик-министерот за внатрешни работи Астрит Исени јавно реагираше по објавените фотографии на кои се гледа осветување на службени полициски возила и објекти во кругот на Министерството за внатрешни работи. Според него, ваквиот чин претставува директно кршење на уставниот принцип на секуларна држава, како и на важечките закони.

Исени истакна дека прскањето со света вода од страна на верско лице врз службени возила и објекти, во рамки на паркингот на МВР, не може да се смета за приватен верски чин. Напротив, како што нагласи, станува збор за недозволиво мешање на религијата со државните институции.

Според неговите информации, настанот бил инициран од неколку припадници на една сообраќајна полициска единица, во соработка со верско лице, и истиот не го одразува официјалниот став ниту институционалното дејствување на Министерството за внатрешни работи. Воедно, Исени оцени дека случајот укажува на ниско ниво на професионална и институционална свест кај дел од полициските службеници.

„Уставот на Република Северна Македонија, во член 19, јасно ја утврдува одвоеноста на верските заедници од државата. Законот за полиција бара целосна и безусловна неутралност“, посочи заменик-министерот.

Тој нагласи дека МВР е државна институција која мора да им служи на сите граѓани еднакво, без разлика на нивната верска припадност, и дека службените простории и средства не се сопственост на ниту една верска заедница. Како такви, тие не смеат да се користат за верски ритуали или активности.

„Полицијата е во служба на сите граѓани и не смее да постапува со двојни стандарди“, потенцира Исени.

Заменик-министерот најави дека, согласно внатрешните правилници на МВР, ќе бидат повикани на одговорност сите лица кои го организирале или дозволиле овој чин, оние кои не го спречиле неговото извршување, како и службениците кои овозможиле влез на верско лице во објектите на Министерството за вршење верски активности.

Според Исени, само преку доследна примена на законите и обезбедување еднаквост пред нив може да се врати довербата на граѓаните и на вработените во институцијата.