Непотизам во Агенцијата за храна: Директорот вработил братучед

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Непотизам во Агенцијата за храна: Директорот вработил братучед

12 септември 2025

• од Станча Јаќимовски

Во јавноста повторно се отвора прашањето за непотизам во државните институции, откако беше откриено дека директорот на Агенцијата за храна и ветеринарство (АХВ), Оливер Миланов, вработил свој близок роднина во сопствениот кабинет.

Вработување по „превземање“

Игор Трајковски од Кратово пред неколку месеци бил префрлен во АХВ преку постапка на превземање од институција до институција. Пред тоа работел во Агенцијата за поттикнување на развојот во земјоделието, во скопската работна единица.

Роднинска врска и сомнежи

Случајот станува спорен бидејќи Миланов и Трајковски се братучеди, што отвора сериозни сомнежи за непотизам и злоупотреба на службената положба. Вработувањето на роднина во вакви околности е спротивно на законските ограничувања.

Антикорупционерите реагираат

Случајот бил пријавен и во Државната комисија за спречување на корупцијата. Според законската рамка, директор на јавна установа нема право да вработува лица кои му се во роднинска врска до четврто колено. Оттаму велат дека постапката ќе биде разгледана и ќе се утврди дали има прекршување на законот.

Политичка заднина

Оливер Миланов е син на Стојан Миланов, поранешен пратеник од Социјалистичка партија и роднина на покојниот Љубисав Иванов – Ѕинго. Ваквата семејна поврзаност дополнително го засилува впечатокот дека влијанието и врските продолжуваат да играат клучна улога во државните институции.