Неверојатна правна драма во Општина Кочани! Што ќе се случи со новиот в.д. градоначалник?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Неверојатна правна драма во Општина Кочани! Што ќе се случи со новиот в.д. градоначалник?

27 март 2025

• од Гоце Кически

Досегашниот градоначалник на Кочани, Љупчо Папазов, кој по трагедијата во дискотеката „Пулс“ поднесе неотповиклива оставка, не успеа да го заврши четиригодишниот мандат што го доби од граѓаните на Локалните избори во 2021 година. Неговото отстапување од функцијата остави празнина во локалната власт, која сега се решава според законските одредби.

Според членот 54 од Законот за локална самоуправа, по престанокот на мандатот на градоначалникот, членот на Советот на Општина Кочани што го заменува, во овој случај координаторот на советничката група на ВМРО-ДПМНЕ, Мирче Стојков, е должен да го извести Министерството за локална самоуправа. Министерството пак, во рок од 15 дена ја известува Владата.

Во Општината веќе започнала законската постапка за избор на в.д. градоначалник, кој ќе раководи со функционирањето на општината до следните локални избори.

„Откако оставката на досегашниот градоначалник беше депонирана во архивската служба на Општината, Министерството за локална самоуправа е известено и веќе ја информирало Владата. Според непотврдени информации, се очекува на владината седница во вторник да се разгледува дописот од Министерството. По тоа, се очекува претседателот на Советот на Општина Кочани да свика седница и да се потврди кој ќе биде в.д. градоначалник до локалните избори“, изјави Стојков.

Тој истакна дека неговата функција во моментот е советник во општината и дека не е депонирал потпис во Централниот регистар, што предизвикува правна нејаснотија во однос на неговото овластување за потпишување документи. „Ова е прв ваков случај, се работи за правен лавиринт со кој ниту една општина досега не се соочила, па има различни мислења меѓу правните експерти за валидноста на мојот потпис“, додаде Стојков.

Според законските одредби, во рок од триесет дена од објавувањето на одлуката на Владата, Советот на Општина Кочани треба да избере еден од своите членови што ќе ја врши должноста на в.д. градоначалник. Избраниот в.д. градоначалник ќе остане на функцијата сѐ до одржувањето на редовните локални избори, кои се планирани за октомври годинава.