Никнува нов огромен објект во охридската чаршија: Охрид СОС алармира за уништување на културното наследство
06 јуни 2025
• од Станча Јаќимовски
Граѓанската иницијатива Охрид СОС упати остро предупредување за нова масивна градба што се издигнува на крајот од старата охридска чаршија – област која важи за културно наследство од особено значење. Преку јавно соопштение, тие алармираат дека чаршијата го губи својот автентичен лик и дека институциите целосно затаиле во нејзината заштита.
Согласно Законот за прогласување на Старото градско јадро на Охрид за културно наследство, оваа зона треба да ужива посебна заштита. Но реалноста, како што наведуваат од Охрид СОС, е сосема поинаква – на местото на старите занаетчиски дуќани и традиционални градби денес доминираат нови, несоодветни градби и угостителски објекти.
„На прстите од една рака се бројат старите објекти кои му одолеваат на времето. Улицата е речиси целосно окупирана од ресторани, а минувачите и велосипедистите се турнати на страна. Наместо институционална регулација, гледаме дивеење и стихија“, стои во соопштението.
Особено внимание предизвикува новата градба, која, според здружението, значително отстапува по габарит и стил од историското опкружување. Минатата година, за да се отвори простор за градбата, биле исечени неколку децениски дрвја, а механизацијата го оштетила и партерното уредување.
„Објектот веќе е видлив и од страната на паркингот. Тоа е уште една илустрација како интересот на поединци се става пред јавниот интерес. Наместо стручни тела што ќе го заштитат градот, имаме институционален молк и игнорирање на Законот“, обвинува Охрид СОС.
Во соопштението се повикуваат директорот на Управата за заштита на културното наследство Паско Љутков, лидерот на ВМРО-ДПМНЕ Христијан Мицкоски и градоначалникот на Охрид Кирил Пецаков, со барање да реагираат и да заземат став околу ова прашање.
Во меѓувреме, од здружението повторно предлагаат итно формирање на стручен борд составен од архитекти и професионалци кој ќе биде во директна комуникација со УНЕСКО, со цел да се спречи понатамошното уништување на охридското културно наследство.
„Неповратно губиме делови од нашата историја и идентитет. Ако не се преземе нешто сега, многу брзо ќе нема што да се заштитува“, предупредуваат од Охрид СОС.
Никнува нов огромен објект во охридската чаршија: Охрид СОС алармира за уништување на културното наследство
06 јуни 2025
• од Станча Јаќимовски
Граѓанската иницијатива Охрид СОС упати остро предупредување за нова масивна градба што се издигнува на крајот од старата охридска чаршија – област која важи за културно наследство од особено значење. Преку јавно соопштение, тие алармираат дека чаршијата го губи својот автентичен лик и дека институциите целосно затаиле во нејзината заштита.
Согласно Законот за прогласување на Старото градско јадро на Охрид за културно наследство, оваа зона треба да ужива посебна заштита. Но реалноста, како што наведуваат од Охрид СОС, е сосема поинаква – на местото на старите занаетчиски дуќани и традиционални градби денес доминираат нови, несоодветни градби и угостителски објекти.
„На прстите од една рака се бројат старите објекти кои му одолеваат на времето. Улицата е речиси целосно окупирана од ресторани, а минувачите и велосипедистите се турнати на страна. Наместо институционална регулација, гледаме дивеење и стихија“, стои во соопштението.
Особено внимание предизвикува новата градба, која, според здружението, значително отстапува по габарит и стил од историското опкружување. Минатата година, за да се отвори простор за градбата, биле исечени неколку децениски дрвја, а механизацијата го оштетила и партерното уредување.
„Објектот веќе е видлив и од страната на паркингот. Тоа е уште една илустрација како интересот на поединци се става пред јавниот интерес. Наместо стручни тела што ќе го заштитат градот, имаме институционален молк и игнорирање на Законот“, обвинува Охрид СОС.
Во соопштението се повикуваат директорот на Управата за заштита на културното наследство Паско Љутков, лидерот на ВМРО-ДПМНЕ Христијан Мицкоски и градоначалникот на Охрид Кирил Пецаков, со барање да реагираат и да заземат став околу ова прашање.
Во меѓувреме, од здружението повторно предлагаат итно формирање на стручен борд составен од архитекти и професионалци кој ќе биде во директна комуникација со УНЕСКО, со цел да се спречи понатамошното уништување на охридското културно наследство.
„Неповратно губиме делови од нашата историја и идентитет. Ако не се преземе нешто сега, многу брзо ќе нема што да се заштитува“, предупредуваат од Охрид СОС.
Никнува нов огромен објект во охридската чаршија: Охрид СОС алармира за уништување на културното наследство
06 јуни 2025
• од Станча Јаќимовски
Граѓанската иницијатива Охрид СОС упати остро предупредување за нова масивна градба што се издигнува на крајот од старата охридска чаршија – област која важи за културно наследство од особено значење. Преку јавно соопштение, тие алармираат дека чаршијата го губи својот автентичен лик и дека институциите целосно затаиле во нејзината заштита.
Согласно Законот за прогласување на Старото градско јадро на Охрид за културно наследство, оваа зона треба да ужива посебна заштита. Но реалноста, како што наведуваат од Охрид СОС, е сосема поинаква – на местото на старите занаетчиски дуќани и традиционални градби денес доминираат нови, несоодветни градби и угостителски објекти.
„На прстите од една рака се бројат старите објекти кои му одолеваат на времето. Улицата е речиси целосно окупирана од ресторани, а минувачите и велосипедистите се турнати на страна. Наместо институционална регулација, гледаме дивеење и стихија“, стои во соопштението.
Особено внимание предизвикува новата градба, која, според здружението, значително отстапува по габарит и стил од историското опкружување. Минатата година, за да се отвори простор за градбата, биле исечени неколку децениски дрвја, а механизацијата го оштетила и партерното уредување.
„Објектот веќе е видлив и од страната на паркингот. Тоа е уште една илустрација како интересот на поединци се става пред јавниот интерес. Наместо стручни тела што ќе го заштитат градот, имаме институционален молк и игнорирање на Законот“, обвинува Охрид СОС.
Во соопштението се повикуваат директорот на Управата за заштита на културното наследство Паско Љутков, лидерот на ВМРО-ДПМНЕ Христијан Мицкоски и градоначалникот на Охрид Кирил Пецаков, со барање да реагираат и да заземат став околу ова прашање.
Во меѓувреме, од здружението повторно предлагаат итно формирање на стручен борд составен од архитекти и професионалци кој ќе биде во директна комуникација со УНЕСКО, со цел да се спречи понатамошното уништување на охридското културно наследство.
„Неповратно губиме делови од нашата историја и идентитет. Ако не се преземе нешто сега, многу брзо ќе нема што да се заштитува“, предупредуваат од Охрид СОС.