Никола Станишиќ во одбрана на Цеца: Се буните сите, а пола Македонија е со бугарски пасош

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Никола Станишиќ во одбрана на Цеца: Се буните сите, а пола Македонија е со бугарски пасош

01 ноември 2025

• од Станча Јаќимовски

Никола Станишиќ во одбрана на Цеца по инцидентот со бугарското знаме: „Се буните сите, а пола Македонија е со бугарски пасош“

Победникот на музичкото шоу „Ѕвездите на Гранд“, Никола Станишиќ, јавно застана во одбрана на Цеца Ражнатовиќ по контроверзниот инцидент на нејзиниот концерт во Велес, кога пејачката за време на настапот подигна бугарско знаме. Настанот предизвика бурни реакции на социјалните мрежи и во јавноста, но Станишиќ побара разбирање и апелираше да не се меша музиката со политиката.

Во објава на социјалните мрежи, Станишиќ напиша дека се разбудил со мисла за Задушница и за почит кон блиските кои повеќе не се со нас, но денот, како што рече, „посакал поинаку“. Според него, жената која му помогнала претходниот ден во Велес — фан на Цеца — била изманипулирана од друг фан и дека не верува дека пејачката го направила гестот намерно.

„Жената која ми помогна да го отсонувам сонот вчера во Велес била изманипулирана и тоа од свој верен фан, девојка која доаѓа на сите нејзини концерти. Како и зошто, тоа е друго прашање,“ напиша Станишиќ, додавајќи дека Цеца не би го направила тоа свесно.

Тој нагласи дека музиката треба да обединува, а не да разделува:
„Задачата на музиката е сите да нè сплотува — Македонци, Срби, Бугари, Грци… сите сме луѓе на светов! Не дозволувајте политиката да влијае на здравиот разум! И едно знам — Цеца не би го направила тоа намерно, тоа е сигурно.“

Станишиќ потсети и дека пејачката претходно заедно со него ја изведувала песната „Бисер Балкански“ држејќи македонско знаме на сцената, нагласувајќи дека уметниците не треба да се користат во политички цели.

„Луѓе, доста е! Престанете да ги користите уметниците во политички цели! Тие се тука да ви го разубават животот!“ — порача тој.

Својата реакција ја заврши со критика кон, како што рече, лицемерието во јавноста:
„Се буните сите, а пола Македонија е со бугарски пасош. Срамота!“

Инцидентот во Велес продолжува да ја дели јавноста, но апелот на Станишиќ повторно ја отвори темата за границите меѓу уметноста, националниот идентитет и политиката.