Николовска: Лични интереси и ненаситност ја уништуваат поддршката за земјоделството

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николовска: Лични интереси и ненаситност ја уништуваат поддршката за земјоделството

08 ноември 2025

• од Станча Јаќимовски

Поранешната пратеничка и дипломиран земјоделски инженер Ленче Николовска изрази сериозна загриженост за можната блокада на средствата од ИПАРД програмата во износ од 100 милиони евра, наменети за поддршка на земјоделците. Во својата објава на социјалната мрежа Фејсбук, Николовска остро реагираше на актуелната состојба, истакнувајќи дека ваквиот развој на настаните претставува голем пораз за земјоделскиот сектор и за институциите што ја спроведуваат програмата.

„Луѓе, баталете ѓубрето во Скопје, од вчера 100 милиони евра од ИПАРД за земјоделците се под знак прашалник. Каква катастрофа, каков пораз за сите што учествувавме во развивањето и успешноста на Платежната агенција до сега. Најголем пораз и нервози за оние што ги инвестираа парите – постои ризик да бидат стопирани сите исплати,“ напиша Николовска.

Таа потенцира дека ваквата ситуација претставува удар за сите земјоделци и претприемачи кои планирале инвестиции потпирајќи се на овие европски фондови. ИПАРД програмата, како што нагласува, е клучна за модернизација и развој на руралните подрачја, а секое доцнење или блокада создава несигурност и финансиски загуби.

Николовска упати и критика кон надлежните институции, обвинувајќи ги за лични интереси и коруптивно однесување. „Има ли крај на личните интереси, корупција и ненаситност ќе кажам, на луѓе на позиции. Срамота!“, порача таа, додавајќи дека ваквите појави ја разнишуваат довербата на граѓаните во системот и ја загрозуваат иднината на земјоделството во државата.

Со својата порака, Ленче Николовска повика на одговорност и итна реакција од надлежните институции за да се спречи потенцијална блокада на европските средства и да се зачува континуитетот на поддршката за македонските земјоделци.