Николовски до Трипуновски: Ќе останат ли земјоделците без зелена нафта, а учениците без здрав оброк?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николовски до Трипуновски: Ќе останат ли земјоделците без зелена нафта, а учениците без здрав оброк?

20 мај 2025

• од Вардарски

На денешната собраниска седница посветена на пратенички прашања, пратеникот на СДСМ, Љупчо Николовски, упати директни прашања до министерот за земјоделство, шумарство и водостопанство, Цветан Трипуновски, во врска со континуитетот и спроведувањето на две значајни мерки: „зелена нафта“ за земјоделците и програмата „здрав оброк“ за учениците во училиштата и децата во градинките.

Николовски го потсети министерот дека овие програми беа воведени од претходната влада предводена од СДСМ, со јасна цел – поддршка на земјоделците и унапредување на здравјето кај најмладите преку квалитетна исхрана.

„Велите дека овие програми сериозно ќе бидат модифицирани, но од документите за 2024 и 2025 година јасно се гледа дека нема ниту една измена. Исто како минатата година – препишано, збор по збор,“ изјави Николовски од собраниската говорница.

Тој предупреди дека законскиот рок за објавување на програмата за набавка на овошје за градинките – 15 април – веќе поминал, а програмата сè уште не е објавена. Според него, тоа сериозно го доведува во прашање нејзиното навремено и целосно спроведување.

Освен за здравиот оброк, Николовски ја отвори и темата за зелената нафта, со која се субвенционираат 50.000 земјоделци во државата. Иако најавите беа за драстични промени, и тука, според него, не е направена ниту една измена.

„Во август и септември кога почнува бербата, дали земјоделците ќе добијат картички за зелена нафта? Знаеме колку време бара подготовката на документацијата и колку се строги роковите,“ праша Николовски, изразувајќи сомнеж во способноста на ресорното министерство навреме да ги обезбеди потребните ресурси.

Со ова, тој ја стави под прашање подготвеноста и доследноста на актуелната влада да продолжи со спроведување на европските практики и политики што, како што рече, се веќе успешно воспоставени во системот.

Сега останува да се види дали министерот Трипуновски ќе даде јасен одговор и гаранција дека децата нема да останат без оброк, а земјоделците без поддршка токму во најважниот период од годината.