Николовски: Лоши политики на Владата во земјоделието

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николовски: Лоши политики на Владата во земјоделието

03 јуни 2025

• од Станча Јаќимовски

Пратеникот на СДСМ Љупчо Николовски остро ја критикуваше Владата за, како што рече, катастрофалните политики во земјоделието, кои резултирале со сериозно назадување на секторот и загуба на довербата на земјоделците.

Во гостување во емисијата „Тема на денот“ на Сител, Николовски изјави дека за само 11 месеци се покажало дека земјоделците се оставени сами, а досегашните политики на Владата носат штета наместо развој.

„Се вративме на стариот модел на субвенционирање. Укината е авансната исплата, нема поддршка за малите производители, субвенциите за сточарите доцнат или се намалени, нема навремена зелена нафта, а извозот бележи најмал раст. Дополнително, ИПАРД 3 програмата е целосно запоставена – што е сигнал за лошо управување,“ посочи Николовски.

Тој потсети дека во времето на СДСМ, искористеноста на европската ИПАРД 2 програма (2017–2023) била над 85%, додека ИПАРД 1 изнесувала само 18%. Денес, пак, искористеноста на ИПАРД 3 е едвај 3%.

„Од вкупно 97 милиони евра достапни неповратни средства, склучени се договори само за 3,5 милиони евра. Тоа е поразителен податок и сигнал до Брисел дека менаџментот на ИПАРД програмата е нефункционален, со долг период на чекање, одлив на стручен кадар и отсуство на посветеност,“ изјави Николовски.

Тој сепак го поздрави предложениот закон за земјоделство од страна на новата влада, но најави дека СДСМ ќе даде сериозни забелешки.

„Особено е проблематично укинувањето на авансната исплата на субвенциите. Неопходно е внимателно да се разгледаат мерките, особено оние за младите. Треба да се фокусираме на искористување на фондовите од ЕУ наменети за нивна поддршка, а не на мерки кои се само козметика,“ додаде Николовски.

Со ваквите ставови, СДСМ упатува силна критика кон тековните политики во земјоделството и укажува на потребата од сериозна стратегија за поддршка на земјоделците и ефикасно користење на европските фондови.