Николовски: Сите пензионери со над 20 илјади денари пензија се оштетени со линеарното покачување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николовски: Сите пензионери со над 20 илјади денари пензија се оштетени со линеарното покачување

25 јули 2025

• од Вардарски

Лидерот на Партијата на пензионери, Илија Николовски, остро го критикува најавеното линеарно покачување на пензиите од страна на Владата, оценувајќи го како политичка, а не економска или социјална мерка.

„Сите кои имаат пензии над 20 илјади денари ќе бидат оштетени со ова зголемување. Според анализите на економски експерти, само 7,5% од пензионерите нема да бидат во загуба“, изјави Николовски за „Локално“.

Тој укажува дека Владата сè уште не соопштила врз основа на какви параметри се одлучило покачувањето да биде двапати по 1000 денари и додава дека ваквата одлука нема никакво економско или социјално оправдување.

Алтернатива: Модел поврзан со платите

Како поадекватно решение, Партијата на пензионери предлага измена на Законот за минимална пензија. Според нивната идеја, минималната пензија би изнесувала 70% од минималната плата, а просечната пензија би се изедначила со 60% од просечната плата во државата.

„Со тоа, јазот меѓу минималната и максималната пензија би се корегирал. Пред претходното усогласување, со зголемување двапати по 2500 денари, јазот беше 1,7 пати, а сега е 4,5 пати. Тоа е голем скок, што покажува дека е постигната нерамнотежа. Новото покачување дополнително ја нарушува правичноста“, додава Николовски.

Опасност по стабилноста на Пензискиот фонд

Според него, ваквиот пристап ја загрозува стабилноста на Пензискиот фонд.

„Владата може да донесе закон, но искуствата покажуваат дека вака се нарушува стабилноста на системот“, предупредува тој.

Пензијата – економска, а не социјална категорија

Николовски додава дека разбира дека има луѓе кои живеат со минимални пензии и дека тие заслужуваат поддршка, но потсетува дека пензијата е економска, а не социјална категорија.

„За социјалниот дел, државата е должна преку социјални пакети да обезбеди пристоен живот. Не може пензијата да се третира како социјална помош – тоа е надоместок за трудот што граѓаните го вложиле во текот на својот работен век“, заклучува Николовски.