Нино Васев бара укинување на притворот – не можел да ја подготви одбраната во затвор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нино Васев бара укинување на притворот – не можел да ја подготви одбраната во затвор

10 октомври 2025

• од Станча Јаќимовски

Поранешниот директор на Клиниката за онкологија, Нино Васев, преку своите бранители поднесе барање до Основниот кривичен суд во Скопје да му биде укинат притворот и да му се дозволи да се брани од куќен притвор или од слобода без пасош. Како причина, адвокатите наведуваат дека предметите против него се обемни, а условите во притворот не овозможуваат соодветна подготовка на одбраната.

„Се загрозува правото на одбрана“

Еден од бранителите на Васев, адвокатот Бобир Спирковски, изјави дека нивната работа е сериозно ограничена и дека судот не овозможува доволна комуникација со клиентот.

„Вака од притвор, со вакви два предмети, му се загрозува правото на одбрана на човекот. Судот не ни дозволува доволна комуникација. Денеска побаравме посебни услови, бидејќи не можам да работам само три часа таму – треба да ни дадат просторија за работа, дури и да спиеме таму, бидејќи случајот е исклучително обемен,“ рече Спирковски.

Сведочења за начинот на набавки

На денешното рочиште продолжи сослушувањето на сведоци предложени од Обвинителството. Една од сведоците, вработена во аптеката на Клиниката за онкологија, потврди дека во времето кога Васев бил директор, тој се потпишувал на документи за испорака на лекови преку таканаречениот условен буџет, односно пред завршување на јавните набавки.

„Кога се правеа набавки на реверс, тоа значеше дека јавната набавка сè уште не е завршена. Во тие случаи не постои договорен број ниту потврда од Министерството,“ рече сведокот.

Друга сведок, шалтерска работничка на клиниката, потврди дека потписот на Васев стоел на сите извештаи за лекови од условниот буџет.

„Дали се одобруваше терапијата од директорот? Па, претпоставувам дека ја одобрувал. Јас работам на Одделот за дојка и на секој извештај имаше потпис од доктор Нино Васев,“ изјави таа, додавајќи дека терапиите се одобрувале на стручни колегиуми секој втор четврток.

Одбраната: Клиниката работела законски

Адвокатот Спирковски оцени дека ваквите сведочења не укажуваат на злоупотреба, туку на тоа дека Клиниката функционирала во согласност со законот, дури и во итни ситуации.

„За мене не е релевантно дали се давале лекови или не – важно е дали тие набавки биле законски или не. Сè друго е ирелевантно,“ рече тој.

Обвинителството останува на ставот

Судот соопшти дека републичкиот јавен обвинител Љупчо Коцевски не се согласил со барањето за смена на јавната обвинителка Ана Гоговска Јакимовска, која го застапува обвинението, оценувајќи дека таа ја извршува својата работа професионално и во согласност со законот.

Двајца обвинети, притворени во „Шутка“

Во предметот за финансиски злоупотреби на Клиниката за онкологија обвинети се Нино Васев и организацискиот директор Нехат Нухи, кои моментално се наоѓаат во притвор во затворот „Шутка“.