Нов хаос во Демир Хисар: Наставници без плата, поништен оглас и сомнителни одлуки во средното училиште

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нов хаос во Демир Хисар: Наставници без плата, поништен оглас и сомнителни одлуки во средното училиште

30 август 2025

• од Станча Јаќимовски

Новиот учебен почеток во Демир Хисар наместо надеж донесе уште подлабока криза. Средното училиште „Крсте Петков – Мисирков“ се наоѓа во целосен хаос – оглас за вработување на 19 наставници е поништен, платите за јули не се исплатени, а постапките на надлежните институции будат сомнеж дека законите во државата важат само за обичните граѓани, но не и за властите.

Наставници без иднина и без плата

Додека во цела држава родителите се подготвуваат за новата учебна година, во ова училиште наставниците се оставени на цедило. 19 професори кои требаше да добијат работа се враќаат дома со одбиени документи. В.Д. директорката им соопштила дека огласот е поништен, иако истиот бил распишан со согласност од Министерството за образование уште пред изборите.

Како дополнителен удар, наставниците за јули воопшто не ја примиле својата плата – реалност која ја турка оваа категорија во уште поголема егзистенцијална криза. На прашање дали да се појават на работа на 1 септември, добиле шокантен одговор – да не доаѓаат, додека новата директорка не одлучи „што понатаму“.

На овој начин, новата учебна година ќе започне со само 10 наставници со неопределен договор – недоволно за нормално одвивање на наставата, што значи дека учениците ќе бидат најголемите жртви на политичките игри и законските злоупотреби.

Сомнителни постапки со печатите

Ситуацијата добива уште подраматична димензија со скандалозното ракување со службените печати на училиштето. Адвокатот на незаконски разрешената директорка Маја Лозановска објави дека печатите биле одземени од ОЈО Битола, а потоа, наместо со судска одлука, вратени директно на општината и градоначалникот, кој ги предал на новата в.д. директорка.

Со тоа, таа успеала да се регистрира како директор во Централниот регистар дури и во текот на изборниот процес – постапка што е строго забранета според Изборниот законик.

Адвокатот остро предупредува: „Се газат сите закони и процедури. Очигледно е дека овде владее партиска, обвинителска и полициска спрега, каде никој не одговара.“

Законот замолчува пред моќта

Правниците потсетуваат дека само Основниот суд во Битола може да одлучи за враќање на одземени предмети, но во овој случај, јавниот обвинител самоволно одлучил да ги предаде печатите – со што целата постапка станува уште посомнителна.

Вака, во време кога Македонија се подготвува за избори, Демир Хисар се претвора во пример дека законите и правилата престануваат да важат кога станува збор за власт, а најмногу страдаат граѓаните, учениците и наставниците.

Мрачен почеток на учебната година

На само неколку дена пред стартот на новата учебна година, Демир Хисар добива мрачна слика – наставници без плата, ученици без доволно професори, институции кои кршат закон, и општина која, наместо да решава, создава уште поголем хаос.

Граѓаните се оставени со горчлив заклучок: во Македонија владее хаос, каде образованието е последна жртва на политичките игри и беззаконието.