Нов протест на печалбарите во Куманово: „Од кого да бараме докази во Авганистан?“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нов протест на печалбарите во Куманово: „Од кого да бараме докази во Авганистан?“

06 јануари 2026

• од Станча Јаќимовски

Печалбарите од Куманово повторно излегоа на улица за да го изразат својот револт поради, како што велат, неправедните барања на Управата за јавни приходи (УЈП) за доплата на данок за неколку години наназад. Со транспаренти и јасни пораки, тие побараа институционално решение за проблемот со кој се соочуваат веќе подолг период.

Граѓаните кои со години работеле во странство, најчесто во високоризични земји како Ирак и Авганистан, велат дека сега се доведени во апсурдна ситуација. Од нив се бара да достават докази дека платиле данок во земјите каде што биле ангажирани, иако дел од фирмите преку кои работеле веќе не постојат или се згаснати.

„Како да обезбедиме потврди од фирми кои одамна се затворени? Од кого да бараме доказ во Авганистан?“ – прашуваат револтираните демонстранти, посочувајќи дека во моментот на нивниот ангажман ги имале сите законски договори и дека не биле информирани за дополнителни даночни обврски во Македонија.

Печалбарите нагласуваат дека не бегаат од обврските кон државата, но бараат фер и реален пристап од институциите. Според нив, УЈП треба да ја земе предвид специфичноста на нивната работа, условите во кои работеле и фактот дека многу од документите денес е невозможно да се обезбедат.

Протестирачите најавуваат дека доколку не се најде прифатливо решение, протестите ќе продолжат и во наредниот период. Тие апелираат до Владата и надлежните институции да седнат на заедничка маса и да изнајдат системско решение кое нема дополнително да ги оштети граѓаните кои со години работеле надвор од државата, често во опасни услови, за да обезбедат егзистенција за своите семејства.