Нов скандал во ЗОО Скопје: Угина младо мајмунче

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нов скандал во ЗОО Скопје: Угина младо мајмунче – Кирков бара итно затворање

05 септември 2025

• од Станча Јаќимовски

Советникот во Град Скопје, Стефан Кирков, алармираше за нов инцидент во скопската Зоолошка градина, каде пред три дена угинало младо мајмунче од видот гибон. Тој предупреди дека институциите мора веднаш да реагираат со целосен преглед на установата и, доколку е потребно, со привремено затворање на градината сè додека не се гарантира здравјето на животните и безбедноста на посетителите.

„Куќа на стравот“ и прикриени инциденти

Кирков ја оцени сегашната состојба во ЗОО Скопје како хаотична, нарекувајќи ја „куќа на стравот“. Според него, зад затворени врати се случуваат сериозни инциденти што се обидуваат да се сокријат од јавноста. Тој потсети дека пред околу месец и половина три лами угинале поради туберкулоза, а уште две биле заболени од истата болест, која може да се пренесе и на луѓето. Иако тогаш случајот бил замолчуван, по негово реагирање и пријава до Агенцијата за храна и ветеринарство, станал јавно познат, што резултирало со опомена за установата и казни за директорот.

Сега, вели Кирков, патолошкиот наод за угинатото гибонче повторно упатува на туберкулозна инфекција. „Колку животни починале од оваа болест и колку се моментално болни? Дали постои опасност за посетителите и вработените?“ праша тој.

Апел за итни мерки

Советникот побара формирање координативно тело од надлежните институции кое веднаш ќе спроведе целосна проверка во Зоолошката градина. „Доколку е потребно, работата мора да се стопира сè додека не се обезбеди сигурност за сите,“ истакна тој.

Кирков најави иницијатива за свикување вонредна седница на Советот на Град Скопје со единствена точка на дневниот ред – состојбата со туберкулозата во ЗОО. На таа седница ќе бара одговорност од менаџментот, а очекува присуство и на директорот на градината и на градоначалничката Данела Арсовска.

Недоверба во официјалните бројки

Во однос на транспарентноста, Кирков откри дека официјално добил податок за околу 30 угинати животни во последните три и пол години. Но, според неговите информации, таа бројка е двојно повисока. „Сето ова ќе го изнесам јавно на седница, детално и прецизно, за јавноста да има целосен увид,“ нагласи тој.