Нова криза на хоризонтот: Партијата на пензионерите ја напушта коалицијата со ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нова криза на хоризонтот: Партијата на пензионерите ја напушта коалицијата со ВМРО-ДПМНЕ

01 септември 2025

• од Станча Јаќимовски

Македонија повторно тоне во политички хаос и несигурност. Додека граѓаните се дават во сиромаштија, а пензионерите едвај преживуваат со мизерни примања, политичките партии безмилосно ја тресат државата со свои лични пресметки. Последниот удар врз стабилноста доаѓа од Партијата на пензионерите, која денеска јавно објави дека ја напушта коалицијата со ВМРО-ДПМНЕ.

На прес-конференција, потпретседателот на Партијата, Миле Андоновски, со остар тон ја отфрли одлуката на Извршниот одбор за соработка со владејачката партија, оценувајќи ја како неприфатлива и навредлива за членовите. „Со индигнација ја отфрламе оваа коалиција. Таа е понижувачка за нашите членови и за сите пензионери“, изјави Андоновски.

Бунт во редовите на пензионерите

Одлуката за коалиција со ВМРО-ДПМНЕ била правда со тоа дека „најдобро е пензионерите да бидат со власта“. Но, наместо надеж за подобар живот, таа предизвикала бес и незадоволство меѓу оние кои и онака се чувствуваат заборавени и изневерени. Пензискиот систем е пред колапс, здравството распаднато, а сега и политичката претстава меѓу партиите ја засилува атмосферата на безизлезност.

Граѓаните оставени без надеж

Овој нов потрес во македонската политичка сцена уште еднаш покажува дека никој не мисли на народот. Пензонерите, најранливата категорија во општеството, повторно се користат како жетон за политички игри, без вистинска грижа за нивната судбина. Во земја каде што секој ден е борба за преживување, ваквите игри на моќ само ја продлабочуваат безнадежноста и чувството дека иднината е веќе изгубена.

Македонија влегува во нова етапа на неизвесност – држава во која коалициите се распаѓаат, довербата е уништена, а народот е оставен сам да се снаоѓа во сѐ потешките услови за живот.