Нови сообраќајни правила: Казни за пешаци и возачи со телефони и слушалки од 26 септември

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нови сообраќајни правила: Казни за пешаци и возачи со телефони и слушалки од 26 септември

20 септември 2025

• од Станча Јаќимовски

Од 26 септември ќе почнат да важат построги правила во сообраќајот со кои ќе се санкционира употребата на електронски уреди за време на движење и возење. Законот е веќе објавен во „Службен весник“, а од овој датум сите учесници во сообраќајот ќе мора да бидат внимателни и да се воздржуваат од користење телефони, слушалки или други уреди кои го одвлекуваат вниманието.

Пешаците и мобилните телефони

Новите одредби предвидуваат казна од 40 евра за пешаците кои преминуваат пешачки премин со мобилен телефон на уво или разговарајќи. Целта е да се намали ризикот од незгоди поради невнимание. Во член 116-а од Законот за безбедност во сообраќајот јасно се наведува дека пешакот мора да преминува коловоз и велосипедски патеки без употреба на електронски уреди како мобилен, слушалки, таблет или паметен часовник.

Казни за возачи на тротинети, мотори и трактори

Исто така, казни се воведуваат и за возачите на тротинети, мотори, велосипеди и трактори кои користат мобилни уреди или имаат слушалки во уши за време на возење. За овие прекршоци е предвидена казна од 50 евра.

Алкохол и дополнителни санкции

Законот ја задржува границата од 0,5 промили алкохол во крвта како дозволена, но за возачите кои ќе имаат повеќе од 1,5 промили казната ќе биде драстична – 375 евра и забрана за возење од 9 до 12 месеци.

Видеонадзор и „Сејф сити“

Новина е и легализацијата на проектот „Сејф сити“, кој веќе се тестира и дава алармантни податоци за прекршоци. Камерите ќе се користат за изрекување казни, но тоа ќе стапи во сила од 1 јануари наредната година. Законот ѝ овозможува на полицијата поширока употреба на современи видеонадзори и технички средства за снимање и документирање на прекршоци, со што ќе се овозможи поголема безбедност и проток во сообраќајот.

Законодавна процедура

За целосна примена на „Сејф сити“ потребно е да се донесе и новиот закон за прекршоци, кој сè уште не е изгласан во Собранието. Освен тоа, ќе бидат неопходни измени во уште три други закони за да системот функционира целосно.