Новиот градоначалник на Кочани открива: Медицински херои со намалени плати поради боледување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Новиот градоначалник на Кочани открива: Медицински херои со намалени плати поради боледување

21 април 2025

• од Вардарски

Вршителот на должноста градоначалник на Кочани, Венко Крстевски, преку објава на социјалните мрежи ја откри состојбата во која се наоѓа општината, откривајќи шокантни информации за системската негрижа, институционалниот хаос и репресивниот однос кон вработените кои ја извршуваат својата должност со пожртвуваност.

Меѓу највознемирувачките податоци е фактот дека дел од медицинскиот персонал кој бил во првите борбени редови при неодамнешната трагедија и спасил животи — добил намалена плата поради тоа што заминал на боледување. Овие лица, кои во кобната вечер помогнале да се спасат стотина животи, се соочиле со санкции наместо признание.

Крстевски нагласува дека Општина Кочани веќе еден месец функционира без градоначалник и секретар, додека инспекциските служби работат под мерки на претпазливост, а финансиските служби под, како што вели, „тотално непотребна репресија“. Работната клима во општинската администрација е, според него, на многу ниско ниво.

Состојбата не е подобра ниту во другите институции. Јавното комунално претпријатие „Водовод“ е без директор веќе две недели, а без технички директор цели три месеци, со акумулиран долг од над три милиони евра и сериозен недостиг на оперативен кадар. Учебните институции тонат во долгови, а над 200 деца во предучилишна возраст чекаат место во градинките.

Територијалната противпожарна единица функционира со само половина од законски предвидениот број на вработени, со дотраена опрема и стар возен парк. Полициската станица во Кочани, пак, поради суспензии и истраги е сведена на помалку од 20% од капацитетот.

Состојбата во Општата болница во Кочани, според објавата, е уште еден аларм. И покрај недостатокот од опрема, таму владеат и нарушени меѓучовечки односи, што е резултат на несоодветни разместувања на кадарот. Особено загрижува фактот дека оние кои покажале храброст и пожртвуваност се казнети со намалување на платите — што според Крстевски е сосема неприфатливо.

„Јас имам сон!“, пишува Крстевски, повикувајќи ги граѓаните да се приклучат во напорите за создавање подобра, поправедна и пофункционална Кочани.

Со јасна и потресна слика за моменталната состојба, в.д. градоначалникот не само што апелира за поддршка и мобилизација, туку и ја отвара вратата за еден нов, транспарентен пристап во водењето на општината.