„О2 Иницијатива“ до кандидатите за градоначалници: Вардариште не може да чека

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„О2 Иницијатива“ до кандидатите за градоначалници: Вардариште не може да чека

03 септември 2025

• од Станча Јаќимовски

Еколошката организација „О2 Иницијатива“ со остар апел до кандидатите за градоначалници на Град Скопје, Општина Аеродром и Општина Гази Баба порача дека решавањето на проблемот со дивата депонија Вардариште е итно и не смее повеќе да се одложува.

„Вардариште не може да чека! Доста е со молк, одлагања и префрлање на одговорност! Вардариште не е тема за кампања – тоа е закана за нашето здравје и иднината на Скопје. Сакаме решенија, а не задкулисни игри!“, стои во нивната реакција.

Апел за јавно ветување

Организацијата прашува кој од кандидатите е подготвен да даде јавно ветување дека ќе се зафати со санација и ревитализација на депонијата, која со години претставува еколошка бомба во срцето на градот.

„Ајде, идни градоначалници – да видиме колку го сакате Скопје, како се заштитува Аеродром и како се сака Гази Баба!“, додаваат од „О2 Иницијатива“.

Конкретни барања

Како приоритети, тие ги наведуваат следниве чекори:

Итна изработка и активирање на проектна документација за санација и ревитализација на Вардариште, што подразбира и донесување на двата ДУПа од страна на Општина Гази Баба.
Привремени мерки додека проектите не бидат готови: запечатување, оградување, осветлување, 24-часовна чуварска служба и видео надзор.
Транспарентност и отчетност – редовно информирање на јавноста за секој чекор, со конкретни рокови и активности.

„Ова е борба за живот и здравје“

Од „О2 Иницијатива“ потенцираат дека ова прашање не смее да се претвори во уште една празна предизборна тема.

„Јавно и гласно обврзете се дека ќе ја решите оваа еколошка бомба! Ова не е борба за функција – ова е борба за ЖИВОТ и ЗДРАВЈЕ!“, порачуваат од организацијата.