Објавени причините за смртта на новороденчето од Арачиново

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Објавени причините за смртта на новороденчето од Арачиново

18 декември 2025

• од Станча Јаќимовски

Државниот санитарен и здравствен инспекторат (ДСЗИ) ја објави медицинската документација поврзана со смртта на новороденче од Арачиново, кое почина на 1 октомври на Клиниката за гинекологија и акушерство во Скопје. Како официјални причини за смртта се наведуваат масивен пнеумоторакс, белодробен емфизем, едем на мозокот и кардиореспираторна инсуфициенција.

Директорот на ДСЗИ, Кирил Лазов, информираше дека до Министерството за здравство е доставена иницијатива за формирање стручна комисија која треба да утврди дали во текот на лекувањето и третманот на новороденчето имало евентуални пропусти. Паралелно со ова, на Клиниката за гинекологија и акушерство бил извршен и вонреден инспекциски надзор.

Според податоците од медицинската документација, родилката била примена како итен случај на 27 септември, а породувањето било извршено со царски рез на 28 септември. По раѓањето, новороденчето било префрлено на одделот за интензивна нега поради сериозни респираторни компликации. Детето било интубирано и ставено на соодветна антибиотска терапија, но и покрај преземените мерки, неговата здравствена состојба постепено се влошувала.

Критичен момент настанал на 1 октомври, кога состојбата нагло се влошила. Медицинскиот персонал презел реанимациски мерки, но тие не дале резултат и новороденчето починало.

Надлежните институции информираат дека е побарана обдукција, но извештајот сè уште не е изготвен. Во меѓувреме, родителите на починатото дете најавија тужба против Клиниката за гинекологија и акушерство, додека случајот е предмет на истрага и од страна на Јавното обвинителство.

Дополнително, во јавноста се појавија информации дека две специјализантки претходно укажале на можни пропусти во работата на педијатарката задолжена за интензивната нега, која во меѓувреме била префрлена на друг оддел. Очекувањата се дека стручната комисија и институционалните истраги ќе дадат појасна слика за околностите под кои настанала трагедијата.