Обвинение за шест полицајци и две лица поради злоупотреби со странци: мито од 950 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинение за шест полицајци и две лица поради злоупотреби со странци: мито од 950 евра

21 август 2025

• од Станча Јаќимовски

Јавниот обвинител од Специјализираното одделение за гонење на кривични дела сторени од лица со полициски овластувања и припадници на затворската полиција до Основниот кривичен суд Скопје поднесе обвинителен акт против шест полициски службеници и уште две лица.

Примање награда и поткуп

Од собраните докази произлегува дека првообвинетиот заедно со две лица, за кои постапката е во прекин, сториле кривично дело „Примање награда за противзаконито влијание“. Со своето влијание врз двајца полицајци, тие овозможиле турски државјанин, кој нелегално престојувал во земјава, да добие дозвола за привремен престој. За посредувањето била примена награда од 900 евра, а полицајците ја злоупотребиле службената положба.

Еден од полицајците, вработен на граничниот премин Долно Блаце, дополнително е обвинет за „Примање поткуп“. Тој од турски државјанин побарал и примил 3.000 денари за да изврши службено дејствие што не смеело да се изврши.

Злоупотреби со патни исправи и престој

Други тројца полицајци и едно лице посредувале во давањето на поткупот, извршувајќи фиктивен влез во земјата со патната исправа на турски државјанин, како предуслов за одобрување престој. На сличен начин, на друг турски државјанин со нелегален престој му било овозможено да ја напушти Македонија без евиденција во системот и без да плати глоба, со што бил оштетен државниот буџет.

Покрај тоа, обвинет е и виш инспектор за странци и реадмисија кој во периодот од јули минатата година до април оваа година незаконски одобрил престој за седум државјани од Бангладеш и Непал. Иако постоеле негативни известувања од АНБ за безбедносен ризик, инспекторот носел решенија спротивно на Законот за странци и им одобрил привремен престој за работа.

Истражна постапка и екстрадиција

Истражната постапка започна во мај годинава, кога беа лишени од слобода 11 лица, додека две беа недостапни за органите на прогонот. Против едно лице постапката е запрена, а против други две кривичната пријава е отфрлена. Едно од првично недостапните лица е обезбедено и се наоѓа во екстрадиционен притвор во Србија, додека по другото е распишана меѓународна потерница.