Обвинение за возачот што го усмрти Јорго Ќука пред мостот „Гоце Делчев“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинение за возачот што го усмрти Јорго Ќука пред мостот „Гоце Делчев“

02 јануари 2026

• од Станча Јаќимовски

Основното јавно обвинителство Скопје поднесе обвинителен акт против 37-годишен жител на Скопје за тешки дела против безбедноста на луѓето и имотот во сообраќајот, согласно член 300 став 2, во врска со член 297 став 1 од Кривичниот законик. Обвинението се однесува на сообраќајната несреќа што се случи на почетокот на ноември минатата година пред мостот „Гоце Делчев“, во која животот го загуби поранешниот генерален менаџер на „Охис“, Јорго Ќука.

Како што информираат од Обвинителството, обвинетиот на 3 ноември 2025 година, околу пладне, управувал патничко возило „Фолксваген Пасат“ по булеварот „Гоце Делчев“, при што не се придржувал кон сообраќајните прописи и со тоа го загрозил јавниот сообраќај и безбедноста на учесниците во него.

Пред крстосницата со улицата „Лазар Личеноски“, на обележан пешачки премин, возачот не ја приспособил брзината на движење и се движел со 53 километри на час, што е над дозволената брзина во населено место. Поради тоа не успеал навреме да запре и со предниот дел од возилото удрил во велосипедист кој се движел по пешачкиот премин.

Од силниот удар, велосипедистот Јорго Ќука се здобил со тешки телесни повреди и починал на самото место на несреќата.

Од Јавното обвинителство соопштуваат дека за ова кривично дело е предвидена затворска казна од најмалку четири години, бидејќи станува збор за едно од најтешките кривични дела од областа на сообраќајот.