Обвинет призна вина за ширење омраза кон ЛГБТ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинет призна вина за ширење омраза кон ЛГБТ

08 мај 2025

• од Вардарски

Во Основниот кривичен суд Скопје е донесена пресуда против лице обвинето за ширење омраза кон маргинализирана група, со што беше завршена постапката што ја водеше Основното јавно обвинителство Скопје.

Судот го огласи обвинетиот виновен за кривично дело – ширење расистички и ксенофобичен материјал по пат на компјутерски систем, казниво по член 394-г став 1 од Кривичниот законик. Пресудата е изречена на единствено рочиште, откако обвинетиот призна вина и го прифати обвинението во целост.

Според утврдената фактичка состојба, на 26 февруари 2022 година, обвинетиот, 30-годишен жител на Скопје, од својот профил на социјална мрежа коментирал објави поврзани со организацијата на Парадата на гордоста во Скопје. Во неговите коментари тој повикувал на насилство и ширел говор на омраза кон припадниците на ЛГБТИ заедницата, што Судот го оцени како сериозно кривично дело.

Како резултат на признанието, Судот му изрече условна казна затвор во траење од една година, која нема да се изврши доколку обвинетиот во период од една година од правосилноста на пресудата не изврши ново кривично дело. Пресудата со број XVII К-913/24 веќе е правосилна и извршна.

Основното јавно обвинителство Скопје посочи дека постапките за вакви дела се водат согласно европските стандарди за заштита од омраза и дискриминација. За овие предмети е назначен и посебен јавен обвинител кој го следи нивното разрешување.

Со овој случај се испраќа јасна порака за нетолеранција кон говорот на омраза и важноста од заштита на човековите права и достоинството на сите граѓани, особено на маргинализираните заедници.