Обвинетите биле во црква еден месец пред убиството на Вања и Панче

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинетите биле во црква еден месец пред убиството на Вања и Панче

22 февруари 2025

• од Вардарски

На судско рочиште за убиството на 14-годишната Вања Ѓорчевска и Панче Жежовски обвинителството презентираше снимки, на кои за прв пат се гледаат сите обвинети заедно (освен таткото Александар Ѓорчевски), и тоа во дворот на куќата на Велибор Манев, пред да заминат по Жежовски.

Сите се облечени идентично, носат исти безбол капи, црни слушалки, микрофон закачен на јакните и некои од нив во раката држат воки-токи. Ја тестираат радио врската и ги прават последните подготовки пред да заминат кај куќата на Жежовски, која е во соседството.

– Advertisements –

Овие снимки го запечатија обвинението, а Љупчо Палевски безуспешно се правдаше дека не се препознал на снимките, бидејќи јасно се гледа неговиот лик.

Она пак, што во еден момент паѓа во очи, е кога пред да тргнат во крвавиот поход, Влатко Кешишев се крсти со десната рака.

Неделникот ,,Фокус”, пак, неодамна објави и дека еден месец пред двојното убиство дел од обвинетите биле во црква, објавувајќи фотографии на фејсбук како пример за најголеми верници. Па така, на фотографијата, објавена на 23 октомври 2023 година, се гледаат каратистот Боре Видевски и Велибор Манев, кои биле пријатели.

Инаку, Манев е добро познат меѓу велешани, како фамилијарен човек и добар мајстор за камен.

Едниот од нив, кој се чини најмногу отскокнува од оваа друштво, е каратистот Видевски. Тој меѓу велешани важи за почитуван лик, а во медиумите во минатото е опишуван како карате мајстор, кој бил учител на многу деца за оваа вештина.
Кога полицијата влегла во неговиот дом тој се онесвестил.

За Влатко Кешишев од сведочењата, пак, стана јасно дека имал поданички однос кон Палевски, односно му се плашел, му бил потчинет, и најчесто бил во партиското седиште каде што му варел кафе и му правел ручек.
За делото и ликот во јавноста најмногу се знае за Палевски.

Малата Вања и велешанецот Панче, кои беа пријавени за исчезнати на 24 и 27 ноември, беа пронајдени мртви во близина на Скопје и Велес на 3 декември 2023 година.