Обвинителството издаде наредба за обдукција на телото на Панчо од ДНК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството издаде наредба за обдукција на телото на Панчо од ДНК

14 октомври 2025

• од Станча Јаќимовски

Јавното обвинителство потврди дека ќе биде издадена наредба за обдукција на телото на пејачот Владимир Блажев – Панчо, член на популарното дуо ДНК, кој почина по речиси седум месеци болничко лекување.

„Информацијата е точна. Јавното обвинителство ќе издаде наредба за обдукција на лицето за кое постапката беше времено прекината токму поради здравствената состојба“, соопштија од Обвинителството за Скопје1.мк.

Долга борба за живот во „Систина“

Панчо изминатите месеци се лекуваше во приватната болница „Аџибадем Систина“ поради тешките изгореници што ги задоби во трагичниот пожар во дискотеката „Пулс“ во Кочани. Во несреќата загинаа 62 лица, меѓу кои и осум членови на бендот ДНК. Со смртта на Панчо, бројот на жртвите се искачи на 63, а тој стана деветтиот член на групата кој го загуби животот.

Докторски тимови со месеци се бореа за неговиот живот, но и покрај долготрајното лекување и интензивната медицинска грижа, тој не успеа да се избори. Според информации од болницата, покрај физичките повреди, пејачот се соочувал и со сериозни психолошки последици од трагедијата.

Претходна постапка против Панчо

Против Панчо претходно беше покрената постапка под сомнение дека тој ги внел пиротехничките средства во дискотеката „Пулс“. Поради неговата тешка здравствена состојба и долготрајната хоспитализација, Обвинителството ја стави постапката во мирување.

Со наредбата за обдукција, институциите најавуваат дека ќе бидат утврдени сите околности поврзани со неговата смрт, како и можните последици од повредите што ги здоби во трагичниот настан.