Обвинителството нема да го гони судијата Ељведин Ферати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството нема да го гони судијата Ељведин Ферати - оценките се законски променети

08 април 2025

• од Вардарски

Судијата Ељведин Ферати од Тетово нема да се соочи со кривично гонење, откако Јавното обвинителство утврди дека промените во неговите студентски оценки се направени по редовна, законска постапка на преполагање испити. Со ова завршува предистражната постапка која беше иницирана по сомнежи за евентуално манипулирање со оценките со цел стекнување на услови за прием на Академијата за судии и јавни обвинители.

Обвинителството, по добиено известување од Државниот просветен инспекторат, оформи предмет и побара комплетна документација за Ферати, како поранешен студент на Правниот факултет при Државниот универзитет во Тетово, како и слушател на Академијата „Павел Шатев“. Анализата на документацијата – која вклучувала и барања за повторно полагање, решенија, испитни пријави и оценски листи – потврдила дека тој во 2014 година навистина ги преполагал спорните предмети и добил повисоки оценки.

„Со тоа го зголемил својот просек над 8,00 и исполнувал услови за кандидатура на Академијата. Во документите нема елементи на незаконско постапување“, соопштија од Обвинителството за порталот „Скопје1“. На 10 март 2025 година, јавниот обвинител донел резолуција со која се заклучува дека не постои основ за кривичен прогон по службена должност.

Овој случај го привлече вниманието на јавноста откако Антикорупциската комисија во декември 2023 година соопшти дека постои несогласување меѓу пријавениот и навистина остварениот просек на студии. Во нивната анализа се наведуваше дека Ферати се пријавил на Академијата со просек 8,20, додека во дипломата првично стоел просек 7,88. Инспекторите забележале дека во матичната книга на универзитетот биле пречкртани и заменети три оценки со повисоки.

Овие наоди доведоа до отворање на предистражна постапка во септември 2024 година. Но, по целосната проверка, Обвинителството ја затвори постапката, оценувајќи дека оценките се менувани во согласност со процедурите, а не по пат на манипулација или фалсификат.

Со оваа одлука, судијата Ферати е ослободен од сите обвинувања, а случајот се затвора како законски исправен.