Обвинителството за Беланоца-Барон: „Се декларираат за верници, а ликвидираат луѓе за пари“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството за Беланоца-Барон: „Се декларираат за верници, а ликвидираат луѓе за пари“

05 септември 2025

• од Станча Јаќимовски

Во судницата на затворот „Идризово“ денеска започна судскиот процес против деветмина водачи и членови на криминалната група „Беланоца-Барон“, обвинети за повеќекратни убиства, изнуди и загрозување на јавната безбедност во периодот од 2020 до 2024 година.

Обвинителството со сериозни тврдења

Во воведното излагање, јавната обвинителка истакна дека групата дејствувала како злосторничко здружение кое извршило најмалку осум убиства, меѓу кои и двојни ликвидации. Притоа биле користени автоматско оружје, крвожедни методи на елиминација и демонстрација на сила. Доказите, нагласи обвинителството, опфаќаат прислушувани и пресретнати разговори, снимки од видео надзори, дигитални содржини од телефони и компјутери, како и физички докази – оружје, возила, траги од крв и сведочења.

„Членовите на оваа група од една страна се претставуваа како големи верници и муслимани, а од друга ликвидираа луѓе за пари, се занимаваа со дрога, рекет, каматно давање и проституција“, истакна обвинителката.

Црни детали за криминалното делување

Според обвинителството, еден од обвинетите изразил желба за самоубиствен напад, а својот син го учел на слични постулати. Обвинителката посочи дека животот за овие луѓе значел сума пари, а суровите убиства се користеле за понижување и испраќање порака.

„Ова се луѓе кои денес убиваат заедно, а утре кројат планови како да се елиминираат меѓусебно. На нивниот платен список имало убијци, изнудувачи и потпалувачи кои биле испраќани во акција дури и за еден погрешно изговорен збор“, рече таа.

Одбраната оспорува

Адвокатот Еленко Миланов, бранител на првообвинетиот Фатљум Ајети, оспори дел од доказите, тврдејќи дека обвинителниот акт не содржи валидни наредби за примена на посебни истражни мерки, како тајно следење и снимање.

На ова, обвинителството возврати дека затворската ќелија е физички ограничен простор каде се води приватна комуникација, а применетите мерки биле законски, пропорционални на тежината на обвиненијата и одобрени од надлежен судија.