Од 1 јули целосна забрана за движење низ македонските шуми поради опасност од пожари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од 1 јули целосна забрана за движење низ македонските шуми поради опасност од пожари

23 јуни 2025

• од Станча Јаќимовски

Од 1 јули стапува во сила целосна забрана за движење во македонските шуми, која ќе важи најмалку до крајот на август. Оваа мерка, што се применува секое лето поради високите температури, има за цел да го спречи човечкиот фактор – главната причина за настанување на шумските пожари во земјава.

Секое лице што ќе мора да се движи во шума заради работа или други неопходни активности ќе треба претходно да обезбеди дозвола од јавното претпријатие „Национални шуми“. Активностите на дозволените лица ќе бидат строго следени и евидентирани, со цел подобра контрола и превенција.

„Доколку некој има дозвола за престој во определен шумски регион, и таму се случи пожар или некој друг инцидент, веднаш ќе знаеме кој бил присутен и ќе се дејствува соодветно“, изјави Кире Михаилов, заменик-генерален директор на „Национални шуми“.

Тој посочи дека тревата во шумите, поради обилните врнежи во март и април, достигнала голема височина, што значи дека со сушењето во јули и август ќе стане исклучително лесно запалива. Според него, ваквите услови налагаат особено сериозен пристап кон заштитата од пожари ова лето.

Недостиг на ресурси и несоодветна опрема

Дополнителен проблем при справување со шумските пожари претставува недоволниот број на соодветни возила и пумпи за гаснење. Како што вели Михаилов, голем дел од возилата се во лоша техничка состојба, а опремата со години не е одржувана.

„Имаме големи проблеми со набавката и одржувањето на пумпите. Едноставно, во минатото не се водела доволна грижа“, вели тој.

Во моментов, од трите авиони на Дирекцијата за заштита и спасување, само еден е во функција. Во случај на сериозни пожари, дополнителна помош ќе биде побарана од армијата и полицијата, преку користење на воен авион и полициски хеликоптер.

Строги казни за предизвикување пожари

Надлежноста за санкционирање на лицата што предизвикуваат пожари ја има Министерството за внатрешни работи. Според законските прописи, лицата што ќе предизвикаат шумски пожар со сериозни последици се соочуваат со затворска казна од најмалку осум години.

Со оглед на ризиците и недостигот на ресурси, надлежните апелираат до граѓаните да ги почитуваат мерките и да се воздржат од влегување во шумите без дозвола. Само со одговорно однесување може да се спречат катастрофални последици за шумските екосистеми и безбедноста на луѓето.